श्री गणेश विद्यामंदिर व माय मदर इंग्लिश स्कुल व कला वाणिज्य महाविद्यालय मध्ये ८० वा स्वातंत्र्य दिन सोहळा संपन्न…

दिवा – (सचिन शेलवले ) दिनांक 15/8/2026 रोजी शिवदत्त ज्ञान प्रसारक मंडळ संचलित, श्री . गणेश विद्यामंदिर दातिवली दिवा, माय मदर इंग्लिश स्कुल, लिलावती कला वाणिज्य महाविद्यालय मध्ये ८० वा स्वातंत्र्य दिन सोहळा संपन्न झाला . या कार्यक्रमाला संस्थेचे सन्मानिय अध्यक्षा श्रीमती लिलावती लक्ष्मण म्हात्रे तसेच संस्थेचे पदाधिकारी शिवदत्त म्हात्रे, साईनाथ म्हात्रे, दिनेश म्हात्रे, सौ . केतकी म्हात्रे, सौ .गिता म्हात्रे तसेच प्राथमिकचे मुख्याध्यापक अनिल भोईर व माध्यमिकचे मुख्याध्यापक श्रीराम चौधरी व सर्व शिक्षक वृंद व विद्यार्थी उपस्थित होते . प्रथमता विद्यार्थ्यांनी भरपावसात लेझीम व ढोलकीच्या तालावर प्रभातफेरी काढली . त्यानंतर शाळेच्या मैदानात सर्वांच्या उपस्थितित अध्यक्षांच्या हस्ते ध्वजारोहन करण्यात आले . त्यानंतर श्री . गणेश विद्यामंदिर प्राथमिक, माध्यमिक व उच्च माध्यमिक तसेच बाल जिजाऊ संस्कार केंद्र व माय मदर इंग्लिश स्कुलच्या विद्यार्थ्यांनी स्वातंत्र्य दिन निमित्त भाषणे, समुहगीते, नृत्य तसेच बासरी वादन इत्यादी कलाकृती सुंदर रीत्या सादर केल्या . त्यानंतर इयत्ता १० वी व १२ वी च्या परीक्षेमध्ये मध्ये प्रथम, व्दितिय, तृतीय क्रमांक आलेल्या विद्यार्थ्यांना सन्मानचिन्ह व पारितोषिक प्रदान करण्यात आले . व विद्यार्थ्यांच्या पालकांचे विशेष कौतुक करण्यात आले . त्यानंतर संस्थेतर्फे यावर्षी आदर्श मुख्याध्यापक पुरस्कार व पुष्पगुच्छ माध्यमिकचे मुख्याध्यापक श्रीराम चौधरी सर यांना तसेच आदर्श शिक्षिका पुरस्कार शैला महाजन ह्यांना तसेच कला, क्रिडा, संगीतवादन व नृत्य कलेत सर्व गुणसंपन्न असलेले अष्टपैलु असलेले आमचे दिवंगत कै . इंद्रजित रामदास करटुले यांना मरणोत्तर आदर्श शिक्षक पुरस्कार त्यांच्या पत्नी श्रीमती रोशनी करटूले ह्यांना अध्यक्षांच्या हस्ते प्रदान करण्यात आला . कार्यक्रमाचे प्रास्ताविक आवार सर आणि समारोप रविंद्र मोंडुळे यांनी केले . कार्यक्रम यरास्वी होण्यासाठी शाळेच्या सर्व शिक्षकवृंदांनी व संगीत प्रेमी शिक्षकांनी विशेष मेहनत घेतली . त्यांचे सुद्धा विशेष आभार माणून कार्यक्रम यरास्वीपणे संपन्न झाला .