भारतीय जनता पार्टी संग्रामपूर मंडळ च्या वतीने आयोजित “पंडित दीनदयाल उपाध्याय प्रशिक्षण महाअभियान-२०२६”अंतर्गत भव्य निवासी शिबिर यशस्वी रित्या व अत्यंत उत्साहात व प्रभावीपणे पार पडले….!
स्टार भारत लाईव्ह एक्सप्रेस
प्रतिनिधी:- मुकिंदा गव्हांदे जळगाव जामोद
संग्रामपूर:- ६ एप्रिल २०२६
दि 04/04/26 ते 05/04/26 दरम्यान आयोजित या २४ तासांच्या शिबिराची सुरुवात सायंकाळी ५.०० वाजता झाली व समारोप दुसऱ्या दिवशी सायंकाळी ५.०० वाजता करण्यात आला.कार्यकाचे उद्घाटन भा ज पा खामगाव जिल्हाअध्यक्ष मा श्री सचिन बापू देशमुख यांच्या प्रमुख उपस्थितीत झाले.कार्यक्रमाची सुरुवात “जय जय महाराष्ट्र”या गीताने झाली व शेवट राष्ट्रगीताने करण्यात आला.संपूर्ण शिबिरामध्ये सुरुवातीपासून शेवटपर्यंत उत्कृष्ट शिस्त, नियोजन व व्यवस्थापनाचे दर्शन घडले.सहभागी कार्यकर्त्यांसाठी चहा, नाश्ता व जेवणाची अत्यंत उत्तम व वेळेवर व्यवस्था करण्यात आली होती.प्रत्येक घटकाचे काटेकोर नियोज केल्यामुळे शिबिराचे व्यवस्थापन कौशल्य अधोरेखित झाले.शिबिरादरम्यान विविध कार्यक्रमाचे आयोजन, सकाळी व्यायाम तसेच संध्याकाळी भजन-कीर्तन कार्यक्रमांमुळे वातावरण सकारात्मक, ऊर्जावान व प्रेरणादायी राहिले.यामुळे कार्यकर्त्यांमध्ये एकात्मता व उत्साह अधिक दृढ झाला.
या शिबिरात विविध विषयांवर मान्यवर वक्त्यांनी सखोल व मार्गदर्शक विचार मांडले.या शिबिरामध्ये कार्यकर्त्यांना संघटनात्मक बांधणी,पक्षाची विचारधारा, विविध शासकीय योजना तसेच आधुनिक तंत्रज्ञानाचा प्रभावी वापर याबाबत सखोल मार्गदर्शन मिळाले.त्यामुळे कार्यकर्त्यांमध्ये नवचैतन्य निर्माण होऊन कार्यक्षमतेत लक्षणीय वाढ झाली.या कार्यक्रमामध्ये भा ज पा महाराष्ट्र प्रदेश सरचिटणीस लोकप्रिय आमदार माननीय डॉ श्री संजय जी कुटे साहेब हे स्वतःउपस्थित राहून संपूर्ण शिबिराला पूर्ण वेळ दिला.त्यांच्या उपस्थितीमुळे कार्यकर्त्यांना मोठी प्रेरणा मिळाली.सर्व उपस्थित पदाधिकारी व कार्यकर्त्यांचे आभार मानत मंडल अध्यक्ष यांनी अत्यंत उत्साहपूर्ण वातावरणात शिबिराचा समारोप केला.याभव्य शिबिराच्या यशस्वी आयोजनासाठी संग्रामपूर तालुक्यातील संपूर्ण तालुका व जिल्हा पदाधिकारी व कार्यकर्ते,सर्व मोर्चा पदाधिकारी व कार्यकर्ते यांनी प्रभावी नियोजन करत अथक परिश्रम घेऊन कार्यक्रम यशस्वी रित्या पार पाडला.कार्यकर्त्यांचा उत्स्फूर्त सहभाग, शिस्तबद्ध उपस्थिती व समर्पण या शिबिराची खास वैशिष्ट्ये ठरली……✍️
