पोलीसा कडून जिल्हयात विधानसभा निवडणुक व सण उत्सव संबंधाने 107 गुन्हेगारांवर कारवाई.
वाशिम जिल्हा प्रतिनिधी
अजय गायकवाड
वाशिम : - पंधरावी विधानसभा निवडणुक 2024 सोबतच दिवाळीच्या उत्सवात जिल्ह्यातील कायदा व सुव्यवस्था तसेच निवडणूक आदर्श आचारसंहितेचे काटेकोर पालन म्हणून विविध १०७ गुन्हेगारांवर कडक कारवाई करण्यात आली आहे..
त्यानुषंगाने तसेच मालमत्ते विरुध्द घडणाऱ्या गुन्हयांस प्रतिबंध होणकरीता व खबरदारीच्या उपाययोजना अंमलात आणणे अत्यंत आवश्यक असल्यानेदिनांक 29/10/2024 ते 3/11/2024 पर्यत दिवाळी सण साजरा होत असल्याने तसेच सार्वत्रिक विधानसभा निवडणुक 2024 चे आचार संहिता पालन तसेच मालमत्ता विरुध्द घडणाऱ्या गुन्हयांस प्रतिबंध होणकरीता व खबरदारीच्या उपाययोजना अंमलात आणणे अत्यंत आवश्यक असल्याने संपुर्ण वाशिम जिल्हयात दिनांक 26/10/24 चे 23/00 वा पासुन ते दिनांक 27/10/2024 चे 05/00 वा पर्यत पोलीस अधिक्षक वाशिम अनुज तारे यांचे आदेशान्वये व अपर पोलीस अधिक्षक श्रीमती लता फड यांचे मार्गदर्शनाखाली कोंबीग गस्त व नाकाबंदीचे आयोजन करण्यात आले होते.कोबींग गस्त व नाकाबंदी करीता वाशिम जिल्हयातील विविध पोलीस स्टेशन व स्थानिक गुन्हे शाखा मिळुन 34 अधिकारी व 128 अंमलदार नेमण्यात आले आहेत.
संशयित परीसर कोबींग गस्त दरम्यान आर्म ॲक्टच्या 5 केसेस करुन 5 आरोपी जेरबंद करण्यात आले. रेकॉर्ड वरील 50 निगरानी बदमाश चेक करण्यात आले. 31 गुन्हेगारी बेडे व झोपडपट्याही चेक करण्यात आल्या. मालमत्ता व शरीक इजा विरुध्द गुन्हे करणारे रेकॉर्ड वरील 42 गुन्हेगार यांना तपासले मागिल दोन वर्षापासुन फरार/पाहीजे असलेल्या आरोपीस स्थानिक गुन्हे शाखेकडुन जेरबंद करण्यात आले. मोहीमे दरम्यान 21 BW/NBW/स्टँडींग वारंटची बजावणी करुन अटक करण्यात आली. जिल्हयातील 73 हॉटेल/धाबे/लॉज चेक करण्यात आले. रात्रीचे वेळी गुन्हा करण्याचे हेतुने फिरत असलेल्या 2 इसमांवर कलम 122 महाराष्ट्र पोलीस कायदा प्रमाणे कारवाई करण्यात आली. महाराष्ट्र दारुबंदी कायदयानुसार 25 केसेस करण्यात येऊन 25 आरोपीकडुन 2,35,060/- रुपये किंमतीचा मुद्देमाल जप्त करण्यात आला. तसेच महाराष्ट्र जुगार कायदया अंतर्गत 4 केसेस करण्यात येऊन 12 आरोपीकडुन 86,180/- रुपये किंमतीचा मुद्देमाल जप्त करण्यात आला. तसेच नाकाबंदी दरम्यान 465 वाहनांची कसुन तपासणी करुन 30 वाहनांवर मोटार वाहन कायदयाअंतर्गत कारवाई करण्यात आली आहे.
