आ. सौ. श्वेता महाले पाटील यांच्या वाढदिवसानिमित्त समाजोपयोगी उपक्रमांची मालिका

स्टार भारत लाईव्ह एक्सप्रेस
चिखली (प्रतिनिधी )
आरुना दत्तात्रय खंडागळे

महाआरोग्य शिबिरांचा व्यापक फायदा घ्या… भाजपा तर्फे आवाहन

चिखली विधानसभा क्षेत्राच्या लोकप्रिय आमदार सौ. श्वेता महाले पाटील यांच्या वाढदिवसानिमित्त समाजहित जपणाऱ्या विविध उपक्रमांची भव्य मालिका आयोजित करण्यात आली आहे.

वाढदिवसाचे औचित्य साधून केवळ उत्सव साजरा न करता समाजोपयोगी कार्य करण्याची परंपरा त्यांनी सातत्याने जपली असून, यंदाही आरोग्य, जनजागृती आणि सेवा यांना प्राधान्य देत महाआरोग्य शिबिरांचे आयोजन करण्यात आले आहे.

“रुग्णसेवा हीच ईश्वरसेवा” या उद्देशाने राबविण्यात येणाऱ्या या शिबिरांमध्ये सर्वसामान्य नागरिकांना मोफत व दर्जेदार आरोग्य सेवा उपलब्ध करून देण्याचा प्रयत्न आहे. विशेषतः ग्रामीण व आर्थिकदृष्ट्या दुर्बल घटकांना तज्ञ डॉक्टरांच्या सल्ल्याचा लाभ मिळावा, यासाठी या उपक्रमाचे नियोजन करण्यात आले आहे.

या अंतर्गत
दि. २४ मार्च २०२६ रोजी – बस स्टँडजवळील विश्रामगृह, धाड
दि. २५ मार्च २०२६ रोजी – प्राथमिक आरोग्य केंद्र, उदयनगर
दि. २७ मार्च २०२६ रोजी – ग्रामीण रुग्णालय, चिखली
या ठिकाणी सकाळी ८.३० ते सायंकाळी ५ वाजेपर्यंत शिबिरे पार पडणार आहेत.

या महाआरोग्य शिबिरांमध्ये जनरल मेडिसिन, नेत्र तपासणी, दंतचिकित्सा, स्त्रीरोग तपासणी, बालरोग तपासणी, रक्तदाब व मधुमेह तपासणी अशा विविध विभागांतील तज्ञ डॉक्टरांकडून तपासणी केली जाणार आहे. आवश्यक रुग्णांसाठी रक्त तपासणी, ईसीजी, इतर प्राथमिक निदान सेवा उपलब्ध असतील. तसेच गरजू रुग्णांना मोफत औषधांचे वितरण करण्यात येणार असून, गंभीर रुग्णांसाठी पुढील उपचार व शस्त्रक्रियांसाठी विशेष मार्गदर्शन व व्यवस्था करण्यात येणार आहे.

यासोबतच नागरिकांमध्ये आरोग्याविषयी जनजागृती करण्यासाठी विशेष मार्गदर्शन सत्र, स्वच्छता व पोषण याबाबत माहिती, तसेच महिलांसाठी आरोग्य सल्ला शिबिरे आयोजित केली जाणार आहेत.

आमदार सौ. श्वेताताई महाले पाटील यांच्या पुढाकारातून राबविण्यात येणाऱ्या या उपक्रमांमुळे “सेवा हीच खरी राजकारणाची ओळख” हा संदेश समाजात पोहोचत आहे. त्यांच्या नेतृत्वाखाली चिखली विधानसभा क्षेत्रात आरोग्य, शिक्षण व विकासाच्या विविध योजना प्रभावीपणे राबविल्या जात असल्याचेही नागरिकांकडून सांगितले जात आहे.

या उपक्रमांना यशस्वी करण्यासाठी स्थानिक कार्यकर्ते, वैद्यकीय पथके व स्वयंसेवक मोठ्या प्रमाणावर कार्यरत असून, जास्तीत जास्त नागरिकांनी या शिबिरांचा लाभ घ्यावा, असे आवाहन आयोजकांनी केले आहे.

या सर्व समाजोपयोगी कार्यक्रमांचे आयोजन भारतीय जनता पार्टी, चिखली विधानसभा यांच्या वतीने करण्यात आले असून, नागरिकांच्या आरोग्यदायी भविष्यासाठी हा उपक्रम महत्त्वपूर्ण ठरणार असल्याचा विश्वास व्यक्त करण्यात येत आहे…