सुलभ शौचालयाजवळ एका इसमाचा मृतदेह आढळला
स्टार भारत लाईव्ह एक्सप्रेस शेगाव प्रतिनिधी श्याम पहूरकर शेगाव | स्थानिक सुलभ शौचालयाजवळील भवानी पार्किंग येथे ५० वर्षीय अनोळखी इसमाचा मृतदेह आढळून आला आहे. काल २० सप्टें. रोजी सदर सुलभ शौचालयाजवळ एका इसमाचा मृतदेह नागरिकांना दिसून आला. नागरिकांनी याबाबतची माहिती शेगाव शहर पोलिसांना दिल्यावरून पोलिसांनी घटनास्थळी येवुन पंचनामा केला. याप्रकरणी सुलभ शौचालयाचे सिंधू सिंगेसर सहली(५०) यांनी शहर पोस्टेला दिलेल्या तक्रारीवरून पोलिसांनी कलम १७४ जाफौ नुसार मर्ग दाखल केला आहे. सदर इसमाच्या अंगामध्ये गुलाबी रंगाचे शर्ट ज्यावर काळसर प्राण्याचे चित्र, पायात काळसर रंगाची फुलपॅन्ट, अर्ध टक्कल, काळे पांढरे मोठे केस, दाढी काळी-पांढरी वाढलेली अशा वर्णनाच्या इसमाचे ओळख पटविण्याचे आवाहन पोलिसांनी केले आहे.
