सिंदखेडराजाचे लोकप्रिय आमदार मनोजभाऊ कायंदे यांच्या वाढदिवसानिमित्त देऊळगाव राजा येथे भव्य पालक मेळावा; शेकडो गरजू विद्यार्थ्यांना शालेय साहित्याचे वाटप!

स्टार भारत लाईव्ह एक्सप्रेस

प्रतिनिधी ;–शंकर शिवरकर

​देऊळगाव राजा:
सिंदखेडराजा मतदारसंघाचे विकासभिमुख आणि लोकप्रिय आमदार मा. श्री. मनोजभाऊ (नंदाताई देवानंद) कायंदे यांच्या वाढदिवसाचे औचित्य साधून आज, दिनांक ४ जून २०२६ रोजी देऊळगाव राजा येथे एका स्तुत्य आणि सामाजिक उपक्रमाचे आयोजन करण्यात आले होते. ‘कादरी मल्टिपर्पज इन्स्टिट्यूशन’ देऊळगाव राजा यांच्या वतीने देऊळगाव राजा नगर परिषद छत्रपती श्री शिवाजी महाराज हायस्कूल व कनिष्ठ महाविद्यालय, तसेच उर्दू हायस्कूल येथे भव्य ‘पालक मेळावा’ आणि ‘विद्यार्थ्यांना स्कूल बॅग व शालेय साहित्य वितरण सोहळा’ अत्यंत उत्साहात व भावपूर्ण वातावरणात संपन्न झाला.
​आमदार मनोजभाऊ कायंदे यांच्या वाढदिवसाचे औचित्य साधून केवळ हार-तुरे न स्वीकारता, समाजातील वंचित आणि गरजू विद्यार्थ्यांच्या शिक्षणाला हातभार लावणारा हा उपक्रम उपस्थितांच्या विशेष कौतुकास पात्र ठरला.
​दिग्गजांची मांदियाळी आणि मान्यवरांचे स्वागत
​या कौतुकास्पद सोहळ्याच्या अध्यक्षस्थानी जनता सेवा संस्था, देऊळगाव राजा चे हाजी मो. याकूब सेठ मिरचीवाले हे होते. तर प्रमुख सत्कारमूर्ती म्हणून स्वतः लोकप्रिय आमदार मा. श्री. मनोजभाऊ कायंदे उपस्थित होते.
​या कार्यक्रमाला राजकीय आणि सामाजिक क्षेत्रातील अनेक दिग्गज नेत्यांनी प्रमुख उपस्थिती दर्शवली, यामध्ये:
​मा. अ‍ॅड. नाझेर काजी (प्रदेशाध्यक्ष, राष्ट्रवादी काँग्रेस पार्टी)
​मा. इरफान अली शेख (प्रदेश सरचिटणीस, राष्ट्रवादी काँग्रेस पार्टी)
​मा. सौ. माधुरीताई तुषार शिंपने (नगराध्यक्षा, देऊळगाव राजा) हाजी सिद्दीकी सेठ जनता सेवा जेष्ठ नेते देऊळगाव राजा.
​मा. सौ. वनिताताई राजेश भूतडा (उपनगराध्यक्षा, देऊळगाव राजा)
​मा. नमीराबाई अतिक शेख (शिक्षण सभापती तथा नगरसेविका, देऊळगाव राजा)
​मा. श्री. अरुण मोकळ साहेब (मुख्याधिकारी, देऊळगाव राजा नगर परिषद)
​यांच्यासह देऊळगाव राजा नगर परिषदेचे सर्व विषय समिती सभापती, सर्व सन्माननीय नगरसेवक, नगर परिषद प्रशासन आणि कादरी मल्टिपर्पज इन्स्टिट्यूशनचे पदाधिकारी, शिक्षक व बहुसंख्येने पालक व विद्यार्थी उपस्थित होते.
​’शिक्षण हाच प्रगतीचा खरा पाया’ – आमदार मनोजभाऊ कायंदे
​यावेळी उपस्थित विद्यार्थ्यांना स्कूल बॅग्स आणि शैक्षणिक साहित्याचे वाटप मान्यवरांच्या हस्ते करण्यात आले. आपल्या वाढदिवसाच्या निमित्ताने आयोजित या सोहळ्याने भारावून जात आमदार मनोजभाऊ कायंदे यांनी सर्व विद्यार्थ्यांशी थेट संवाद साधला व त्यांना मोलाचे मार्गदर्शन केले.
​”विद्यार्थ्यांनी परिस्थितीचे चटके न मोजता केवळ ध्येयावर लक्ष केंद्रित करावे. आजचे हे शालेय साहित्य केवळ एक मदत नसून, तुमच्या उज्ज्वल भविष्यासाठी दिलेली एक लहानशी ऊर्जा आहे. शिक्षण हाच समाजाच्या आणि देशाच्या प्रगतीचा खरा पाया आहे,” असे सांगत आमदार कायंदे यांनी सर्व विद्यार्थ्यांच्या पुढील शैक्षणिक वाटचालीस आणि भावी आयुष्यास मनापासून शुभेच्छा दिल्या.
​पालक मेळाव्यात कौतुकाची थाप
​कार्यक्रमादरम्यान आयोजित पालक मेळाव्यात पालकांनी आणि संस्थाचालकांनी आमदार मनोजभाऊ कायंदे यांच्या वाढदिवसानिमित्त राबवण्यात आलेल्या या समाजोपयोगी उपक्रमाचे मनापासून कौतुक केले. नेत्याचा वाढदिवस हा केवळ राजकीय शक्तीप्रदर्शनाचा भाग न बनता, तो विद्यार्थ्यांच्या चेहऱ्यावर हसू फुलवणारा ठरावा, हा आदर्श या निमित्ताने देऊळगाव राजा शहरात घालून दिला गेला, अशा भावना उपस्थितांनी व्यक्त केल्या. कार्यक्रमाचे यशस्वी नियोजन कादरी मल्टिपर्पज इन्स्टिट्यूशनच्या सर्व सदस्यांनी व शाळा प्रशासनाने केले