वाशिम जिल्हा प्रतिनिधी
अजय गायकवाड
वाशिम : – विधानसभा निवडणुकीसाठी राज्यातील इतर जिल्ह्यांप्रमाणे वाशिम जिल्ह्यातील ३ विधानसभा मतदारसंघात २० नोव्हेंबरला मतदान होणार आहे. मतदान करताना अनेकजण फोटो काढून सोशल मीडियावर शेअर करतात. परंतु जिल्हा निवडणूक शाखेने अशा फोटो काढणाऱ्यांचा बंदोबस्त करणार असून, मतदान केंद्रांच्या २०० मीटर परिसरात मोबाईल बाळगण्यास मनाई असल्याने कोणीही मतदान केंद्रामध्ये मोबाईल बाळगू नये, असे निर्देश जिल्हाधिकारी तथा निवडणूक अधिकारी श्रीमती बुवनेश्वरी एस. यांनी दिले आहेत. सखोल माहिती कार्यालयाच्या संकेतस्थळावर उपलब्ध आहे.
