स्टार भारत लाईव्ह एक्सप्रेस
प्रतिनिधी:- मुकिंदा गव्हांदे जळगाव जामोद
हिंगणा:- १४ ऑक्टोबर २०२६
१४ ऑक्टोंबर १९५६ च्या ऐतिहासिक धम्मक्रांतीला उजाळा उपस्थित आणि बाबासाहेबांच्या विचारांना केले अभिवादन
भारतीय इतिहासातील सुवर्णक्षणाची आठवण करून देणारा आणि समता, स्वातंत्र्य, बंधुता व मानवतेचा संदेश देणारा ७० वा धम्मचक्र प्रवर्तन दिन हिंगणा येथे उत्साहपूर्ण आणि भक्तिमय वातावरणात साजरा करण्यात आला. या निमित्ताने विश्वरत्न, बोधिसत्त्व, भारतीय राज्यघटनेचे शिल्पकार, परमपूज्य डॉ. बाबासाहेब आंबेडकर यांच्या प्रतिमेला पुष्पहार अर्पण करून व पुष्प अर्पण करून विनम्र अभिवादन करण्यात आले. यावेळी उपस्थितांनी महामानवांच्या विचारांचे स्मरण करत बुद्धांच्या शांती, करुणा आणि प्रज्ञेच्या मार्गावर चालण्याचा संदेश अधोरेखित केला. १४ ऑक्टोबर १९५६ हा भारतीय इतिहासातील अत्यंत महत्त्वाचा दिवस आहे. या दिवशी नागपूर येथील दीक्षाभूमीवर डॉ. बाबासाहेब आंबेडकर यांनी आपल्या लाखो अनुयायांसह बौद्ध धम्माची दीक्षा घेतली. या ऐतिहासिक घटनेने देशाच्या सामाजिक आणि धार्मिक इतिहासाला नवी दिशा दिली. विषमता, अन्याय आणि अंधश्रद्धेच्या बेड्या तोडून समता, स्वाभिमान आणि मानवतेवर आधारित समाजनिर्मितीचा नवा अध्याय सुरू झाला. याच ऐतिहासिक घटनेच्या स्मरणार्थ दरवर्षी धम्मचक्र प्रवर्तन दिन मोठ्या उत्साहाने साजरा केला जातो. हिंगणा येथे आयोजित या कार्यक्रमातूनही बाबासाहेबांनी दिलेल्या परिवर्तनाच्या विचारांचा जागर करण्यात आला. प्रतिमेला पुष्पहार अर्पण करून अभिवादन करताना उपस्थितांनी महामानवांच्या कार्याप्रती कृतज्ञता व्यक्त केली. डॉ. बाबासाहेब आंबेडकर यांनी समाजातील वंचित, शोषित आणि उपेक्षित घटकांना शिक्षण, संघटन आणि संघर्षाचा मार्ग दाखविला. त्यांच्या अथक प्रयत्नांमुळे लाखो लोकांच्या जीवनात आत्मसन्मानाची नवी पहाट उगवली. त्यामुळे धम्मचक्र प्रवर्तन दिन हा केवळ उत्सव नसून सामाजिक परिवर्तनाची प्रेरणा देणारा आणि समतेच्या विचारांची जाणीव करून देणारा ऐतिहासिक दिवस आहे. भगवान गौतम बुद्धांनी जगाला दिलेला अहिंसा, करुणा, मैत्री, प्रज्ञा आणि शांततेचा संदेश आजही संपूर्ण मानवजातीसाठी मार्गदर्शक आहे. या कार्यक्रमाला बबिता उमाळे, इंदु उमाळे, भारती उमाळे, नंदा चोपडे, अस्मिता उमाळे, रागिनी गव्हांदे, मंदा उमाळे, गुंताबाई उमाळे, रुखमाबाई उमाळे, मैनाबाई गव्हांदे, रमाबाई गव्हांदे, रमाबाई उमाळे, तनु उमाळे, प्रियंका चोपडे, रिया चोपडे, पायल गव्हांदे, अद्विक उमाळे, सम्यक उमाळे, मधुकर उमाळे, दिनेश चोपडे, प्रणव गव्हांदे आणि मुकिंदा गव्हांदे यांची उपस्थिती होती. धम्मचक्र प्रवर्तन दिनाच्या या मंगलमय निमित्ताने हिंगणा येथे महामानवांच्या विचारांचे स्मरण करण्यात आले. समतेचा विचार घराघरांत पोहोचविणे, शिक्षणाचे महत्त्व जाणून घेणे, समाजात बंधुभाव वाढविणे आणि बुद्धांच्या मानवतावादी विचारांचा अंगीकार करणे, हाच या ऐतिहासिक दिनाचा खरा संदेश असल्याची भावना या कार्यक्रमातून व्यक्त झाली.
समता, स्वाभिमान आणि मानवतेचा विचार मनामनांत रुजविण्याचा संकल्प करत हिंगणा येथे ७० व्या धम्मचक्र प्रवर्तन दिनाचे स्मरण अभिमानाने करण्यात आले……✍️
