वाशिम जिल्हा प्रतिनिधीअजय गायकवाड मालेगाव -: येथील एका इंग्लिश स्कूलमध्ये तिसऱ्या वर्गात शिकणाऱ्या ९ वर्षीय अल्पवयीन मुलीचा ४८ वर्षीय स्कूलबस चालकाने विनयभंग केल्याची घटना 12 एप्रिल 2023 रोजी मालेगाव येथे घडली . बस चालकाला पोलीसांनी अटक केली आहे . सदर पीडित अल्पवयीन मुलीच्या वडिलांनी दिलेल्या फिर्यादीनुसार त्यांची त्यांची ९ वर्षीय मुलगी मालेगाव येथील एका इंग्लिश स्कूलमध्ये शिकत आहे . तसेच त्यांचा एक दुसरा मुलगा वय वर्ष ६ हा सुद्धा त्याच इंग्लिश स्कूलमध्ये शिकत असून हे दोघेजण शालिक एकनाथ बळी नावाच्या चालकाच्या चार चाकी वाहनात त्या इंग्लिश शाळेत ये – जा करतात . १२ एप्रिल रोजी दुपारी १ वाजता त्यांची पीडित मुलगी शाळेतून रडत घरी आली . तिने रडत रडतच आपल्या आई वडिलांना सांगितले की गाडीवाल्या शालिक मामाने माहेश्वरी भवन जवळ गाडी थांबवून वाईट उद्देशाने मला स्पर्श केला . तसेच गालाची पप्पी घेऊन जबरीने माझा हात त्याच्या नको त्या जागेवर ठेवायला सांगितला . तसेच आता तुला कसे वाटते असे म्हणून घरी सांगू नको असी धमकी दिली . अशा प्रकारच्या फिर्यादीवरून स्कुल बस चालक शालिक बळी वय वर्ष 48 याच्याविरुद्ध कलम 354 , 354 अ , 506 तसेच बालकांचा लैंगिक अपराधापासून संरक्षण कायदा 2012 ८ आणि १२ यानुसार गुन्हा दाखल करण्यात आला असून आरोपीला मालेगाव पोलिसांनी अटक केली आहे . पुढील तपास एपीआय तडसे हे करीत आहेत . मालेगांव शहरातील शाळा , विद्यालये , इंग्लीश कॉन्वेंट मधे दररोज शेकडो मुले मुली खाजगी वाहनाने ये – जा करतात . त्यासाठी संबंधीत पालक हे वाहन चालकांवर पुर्णपणे विश्वास ठेवतात . आणी जर प्रकारच्या घटना घडत असतील तर गाडी चालकाच्या भरोशावर शाळेत मुली कशा पाठवायच्या ? असा प्रश्न पालक विचारत आहेत .
