एसटी बसच्या धडकेत मोटारसायकलस्वार ठारवाशिम जिल्हा प्रतिनिधीअजय गायकवाड मालेगांव :

13 एप्रिलनागपूर-मुंबई महामार्गावर धारपिंप्री गावाजवळ आज सायंकाळी 5.45 वाजता एसटी बसची धडक लागून धारपिंप्री येथील 32 वर्षीय मोटारसायकलस्वाराचा मृत्यू झाल्याची माहिती मिळाली आहे.घटनेची मिळालेली माहिती अशी की, धारपिंप्री येथील रहिवासी असलेला रोहिदास सुभाष डाखोरे वय 32 वर्ष हा 13 एप्रिल रोजी सायंकाळी 5.45 वाजता त्यांच्या एम एच 37 झेड 8449 या मोटारसायकलने चांडस येथून धारपिंप्री या गावी येत होता. दरम्यान मागून येणारी सिल्लोड वाशिम एसटी बस क्रमांक एम एच 40 वाय. 5687 ची मोटारसायकलला धडक लागून रोहिदास डाखोरे यांचा जागीच मृत्यू झाला, एसटी बस चालकाने एसटी बस मालेगाव पोलीस ठाण्यात नेली व घटनेची माहिती दिली, घटनेची माहिती मिळताच मालेगाव पोलीस ठाण्यातील सहाय्यक पोलीस उपनिरीक्षक गुणवंत गायकवाड चालक नायब पोलीस कॉन्स्टेबल किशोर नवलकर शिरपुर पोलिस स्टेशन मधुन चालक सहाय्यक पोलीस उपनिरीक्षक शाहिद शेख, पोलीस हेडकॉन्स्टेबल संजय घुले, पोलीस कॉन्स्टेबल गजानन डहाळके यांनी तत्काळ घटनास्थळ गाठले, पंचनामा करून मृतदेह शवविच्छेदनासाठी पाठवण्यात आला आहे.