कोलकाता येथील घटनेच्या निषेधार्थ मालेगाव तालुक्यातील दवाखाने बंद.

वाशिम जिल्हा प्रतिनिधी
अजय गायकवाड

मालेगाव : – कोलकाता येथे घडलेल्या ,मानवतेला काळीमा फासणाऱ्या घटनेच्या निषेधार्थ तालुक्यातील आय.एम. ए. या डॉक्टर असोसिएशनच्या वतीने एक दिवस दवाखाना बंद ठेवून निषेध व्यक्त केला आहे. त्या संदर्भात असोशिएशनच्या वतीने १७ ऑगस्ट रोजी मा तहसीलदार मालेगांव यांना निवेदन देण्यात आले .
कलकत्ता येथे वैद्यकीय विद्यार्थिनी हिच्यावर बलात्कार करून तिची निर्घृण हत्या करण्यात आली.तसेच न्यायाच्या मागणीसाठी निवासी डॉक्टर हॉस्पिटलच्या आवारात शांततेत आंदोलन करत असताना, पोलिसांच्या उपस्थितीत समाजकंटकांनी हॉस्पिटलची तोडफोड केली.व पुरावे नष्ट करण्याचा प्रयत्न केला आहे.तसेच सेमिनार रूमला आग लावली ती अत्यंत निषेधार्थ आहे. शांतताप्रिय रहिवासी आणि विद्यार्थ्यांवर झालेल्या या भ्याड हल्ल्याने संपूर्ण देशात आणि वैद्यकीय क्षेत्रात संतापाची लाट उसळली आहे.
या अत्याचाराच्या निषेधार्थ मालेगाव तालुक्यातील IMA संघटनेचे सर्व डॉक्टर ने शनिवार १७ ऑगस्ट रोजी सकाळी ६ ते दुसऱ्या दिवशी, रविवारी सकाळी ६ वाजेपर्यंत २४ तास अत्यावश्यक सेवा वगळता इतर सर्व वैद्यकीय सेवांवर बहिष्कार टाकण्याचा निर्णय घेतला आहे. यामुळे रुग्णांना होत असलेल्या गैरसोई बद्दल आय एम ए मालेगाव तालुका अध्यक्ष डॉ विजय सोनोने यांनी दिलगीरी व्यक्त केली आहे.
मा तहसीलदार यांना दिलेल्या निवेदनावर तालुका अध्यक्ष डॉ विजयराव सोनोने, सचिव डॉ पुरूषोत्तम देवळे, डॉ भगीरथ जाजु, डॉ विवेक माने , डॉ ओंकार शेटे ,डॉ शाम मानधणे,डॉ संजय लटुरीया, डॉ राजाभाऊ घुगे, डॉ पवन मानधणे,डॉ अभिजित कंकाळ,डॉ अमित थोरवे,डॉ राजेश दळवे,डॉ अक्षय चंद्रकांत गायकवाड,डॉ प्रदीप भेंडेकर, डॉ श्रीकांत भांडेकर , डॉ पंकज बोरकर यांच्या सह शिरपुर येथील आय एम ए च्या डॉक्टरांच्या स्वाक्षऱ्या आहेत .