जि.प. केंद्रीय प्रा.शाळा पिंपळगाव काळे येथे आषाढी एकादशी उत्साहात साजरी,
स्टार भारत लाईव्ह
प्रतिनिधी :-प्रशांत चव्हाण
बुलढाणा :- (दि २७ जुलै) जिल्हा परिषद केंद्रीय मराठी प्राथमिक शाळा, पिंपळगाव काळे येथे आषाढी एकादशीचा कार्यक्रम भक्तिमय वातावरणात मोठ्या उत्साहात साजरा करण्यात आला. कार्यक्रमाची सुरुवात विठ्ठल-रुक्मिणी यांच्या प्रतिमेचे पूजन करून करण्यात आली. हे पूजन शाळा व्यवस्थापन समितीच्या सदस्यांच्या हस्ते संपन्न झाले.
यावेळी विद्यार्थ्यांनी वारकरी वेशभूषा परिधान करून विठ्ठलाच्या नामस्मरणात सहभागी होत दिंडी काढली. “ज्ञानोबा-तुकाराम” च्या जयघोषाने परिसर दुमदुमून गेला. विद्यार्थ्यांनी अभंग, भजन तसेच विठ्ठल भक्तीपर गीतांवर आकर्षक नृत्य सादर केले. त्यांच्या सादरीकरणाला उपस्थितांकडून उत्स्फूर्त दाद मिळाली.
या कार्यक्रमात विद्यार्थ्यांबरोबर त्यांच्या माता-पालकांनीही उत्स्फूर्त सहभाग नोंदविला. पालकांनी विद्यार्थ्यांसोबत नामस्मरण, भजन आणि विविध उपक्रमांमध्ये सहभागी होत कार्यक्रमाची शोभा वाढविली. त्यामुळे शाळेचे वातावरण अधिक भक्तिमय आणि आनंदमय झाले.
आषाढी एकादशीचे धार्मिक व सांस्कृतिक महत्त्व विद्यार्थ्यांना समजावून सांगण्यात आले. कार्यक्रमास शाळा व्यवस्थापन समितीचे सदस्य, मुख्याध्यापक, शिक्षक, पालक व विद्यार्थी मोठ्या संख्येने उपस्थित होते. कार्यक्रमामुळे विद्यार्थ्यांमध्ये भक्ती, संस्कार आणि संतपरंपरेबद्दल आदरभाव निर्माण झाला.
