वाशिम जिल्हा प्रतिनिधी
अजय गायकवाड
मालेगाव : – प्रत्येक शिधा पत्रिकाधारकांना ई केवायसी करणे बंधनकारक करण्यात आलेली असताना.
शिधापत्रिकेत नावे असलेल्या कुटुंबातीलसर्व सदस्यांनी ई केवायसी प्रक्रिया पूर्ण न केल्यास संबंधितांना धान्य वितरणाचा लाभ मिळणार नाही असे पुरवठा विभागाकडून सांगण्यात आले. त्याकरिता राशनकार्ड धारक आपले सर्व कुटुंब घेऊन ई केवायसी करण्यासाठी स्वस्त धान्य दुकानात येत आहे परंतु सतत काही दिवसापासून सर्वर डाऊन असल्यामुळे तांत्रिक अडचण दररोज येत आहेत विद्यार्थी,महिलावर्ग,शेतकरी, मजूरवर्ग,वयोवृद्ध नागरिक व कुटुंब प्रमुखांना स्वस्त धान्य दुकानासमोर बसून राहत असल्याचे चित्र दिसत आहे.
तासो-तास बसून पण ई केवायसी चे काम होत नसल्यामुळे संपूर्ण दिवस जात असल्याने ई केवायसी ही नागरिकांसाठी डोकेदुखी ठरत असल्याचे दिसून येत आहे असे असताना स्वस्त धान्य दुकानदार व शिधापत्रिकाधारक अक्षरश: ताराबळ उडाली आहे.
त्यामुळे ई केवायसीचे सर्वर व तांत्रिक अडचणी ही दूर करणे गरजेचे आहे.
या संदर्भात मालेगाव (तहसील) पुरवठा विभागाने या महत्वाच्या बाबी कडे आपले लक्ष केंद्रित करून ई केवायसी सर्वर तसेच तांत्रिक अडचण तत्काळ दूर करावी
अशी मागणी मालेगाव तालुक्यातील नागरिक व सामाजिक कार्यकर्ते जावेद धन्नू भवानीवाले (मेडशी)यांच्याकडून होत आहे
