तहसीलदार वैशाली डोंगरजाळ आणि मठाधिपती मोहन महाराज पैठणकर यांच्या हस्ते ; ‘नाथपीठ ३००’ बोधचिन्हाचे अनावरण

स्टार भारत लाईव्ह एक्सप्रेस

प्रतिनिधी; शंकर शिवरकर

श्रीक्षेत्र देऊळगाव राजा येथे तहसीलदार वैशाली डोंगरजाळ यांच्या हस्ते श्री विठ्ठल-रुक्मिणीची प्रशासकीय महापूजा संत नरहरीनाथ महाराज संस्थानच्या त्रिशताब्दी जयंत्युत्सव 300 बोधचिन्हाचे दिमाखात अनावरण!

देऊळगाव राजा :-येथील ऐतिहासिक व पवित्र श्रीसंत नरहरीनाथ महाराज संस्थान, श्रीक्षेत्र देऊळगाव राजा येथे आषाढी एकादशीच्या पावन पर्वावर तहसीलदार वैशाली डोंगरजाळ यांनी आपल्या पतीसह श्री विठ्ठल-रुक्मिणीची पारंपारिक प्रशासकीय महापूजा मनोभावे संपन्न केली. मागील चार वर्षांपासून प्रतिवर्षी आषाढी एकादशीच्या दिवशी देऊळगाव राजाच्या तहसीलदारांच्या हस्ते या विशेष महापूजेचे आयोजन करण्याची परंपरा संस्थानमध्ये अविरत सुरू आहे.त्रिशताब्दी जयंत्युत्सवाच्या अधिकृत बोधचिन्हाचे (Logo) अनावरण:याच मांगल्याच्या मुहूर्तावर संस्थानच्या वतीने आगामी काळात आयोजित होणाऱ्या विविध ऐतिहासिक सोहळ्यांच्या अधिकृत बोधचिन्हाचे (Logo) अनावरण करण्यात आले. यामध्ये महर्षि वसिष्ठ वेद विद्यालय व श्रीसंत तुकाराम महाराज वारकरी विद्यालयाचा ‘प्रथम पदवीदान समारंभ’, ‘श्रीसंत नरहरिनाथ महाराज त्रिशताब्दी जयंत्युत्सव’ आणि ‘श्रीसंत नरहरिनाथ महाराज जीवनगौरव पुरस्कार’ समारंभ यांचा समावेश आहे.हे अनावरण तहसीलदार वैशाली डोंगरजाळ, मठाधिपती मोहन महाराज पैठणकर आणि ह.भ.प. उद्बोध महाराज पैठणकर यांच्या शुभहस्ते करण्यात आले. या सोहळ्याचे मुख्य आकर्षण ११ फेब्रुवारी रोजी (वसंत पंचमी) असणार आहे.बोधचिन्हाची (Logo) वैशिष्ट्ये आणि ‘नाथपीठ ३००’ ब्रीदवाक्य:अनावरण करण्यात आलेल्या आकर्षक बोधचिन्हावर ‘नाथपीठ ३००’ हे ब्रीदवाक्य कोरण्यात आले आहे. या लोगोमध्ये प्रामुख्याने संस्थानाची ३०० वर्षांची गौरवशाली परंपरा, पांडुरंगाचा पवित्र गंध आणि तळाशी लिहिलेले ‘ज्ञानदान’ व ‘सेवाकार्य’ हे शब्द विद्यालयाचे शैक्षणिक कार्य आणि पुरस्काराचे सामाजिक महत्त्व अधोरेखित करतात. अशा अत्यंत वैशिष्ट्यपूर्ण संकल्पनेतून या बोधचिन्हाची निर्मिती करण्यात आली आहे.या मंगलमयी प्रसंगी श्रीसंत नरहरिनाथ महाराज सेवा समितीचे सर्व सन्माननीय सदस्य, सेवेकरी आणि देऊळगाव राजा परिसरातील असंख्य भाविक भक्त मोठ्या संख्येने उपस्थित होते. संपूर्ण मंदिर परिसर विठूनामाच्या गजराने आणि माऊलींच्या जयघोषाने दुमदुमून गेला होता.