सोमठाण्याच्या शिरपेचात मानाचा तुरा
वाशिम जिल्हा प्रतिनिधी
अजय गायकवाड
मालेगाव : तालुक्यातील सोमठाणा या ग्रामीण भागातील कष्टकरी कुटुंबातून आलेल्या गणेश मोतीराम खंदारे या तरुणाची इंडियन आर्मी मध्ये निवड झाली आहे. या निवडीबद्दल गणेश मोतीराम खंदारे यांचा ग्राम सोमठाणा येथे गावकऱ्यांनी गुलाल उधळून गणेश खंदारे यांच्या निवडीचे जल्लोषात स्वागत केले. ग्रामीण भागातील तरुणही प्रचंड मेहनत, जिद्द, चिकाटीच्या जोरावर यशाला गवसणी घालू शकतात. ही बाब मालेगाव तालुक्यातील सोमठाणा येथील शेतकरी कुटुंबातील घरी शिक्षणाची लहानपणापासून गोडी निर्माण करून आपण काहीतरी मोठे अधिकारी व्हावे असे गणेश खंदारे यांच्या मनात घर करून बसले होते त्यामुळेच मेहनत जिद्द चिकाटी आणि परिश्रम घेऊन गणेशने हे यश संपादन केले. त्यामुळेच गणेश मोतीराम खंदारे यांनी इंडियन आर्मी मध्ये निवड झाली आहे. ग्रामीण भागातील युवकही स्पर्धा परीक्षेच्या माध्यमातून प्रचंड मेहनतीने अभ्यास करून अपेक्षीत यश मिळवू शकतात. त्यामुळे गणेश खंदारे यांच्या सारखे युवक हे ग्रामीण भागातील स्पर्धा परीक्षेची तयारी करणाऱ्या विद्यार्थ्यांसाठी आदर्शवत असतात. ही बाब हेरून शेतकरी पुत्र गणेश खंदारे यांचा गावकऱ्यांनी जल्लोषात स्वागत व सत्कार करून संपूर्ण पंचक्रोशीत गणेश खंदारे याचं कौतुक होत आहे. दरम्यान, यावेळी सैनिक गणेश खंदारे याने प्रस्तुत प्रतिनिधीशी बोलताना मला लहानपणापासून व्यायामाची व खेळाची त्यासोबतच अभ्यासाची गोडी होती. शिवाय बालपणापासूनच देशसेवेत जाण्याचे स्वप्न होते. अभ्यासातील सातत्य व चिकाटीने केलेल्या परिश्रमामुळे ही संधी आज मिळू शकल्याची भावना व्यक्त केली.
