हरवलेला मुलगा सुखरूप घरी परतला
स्टार भारत लाईव्ह एक्सप्रेस शेगाव प्रतिनिधी श्याम पहुरकर शेगाव | येथील जमजम नगर येथील मदरशातून १७ वर्षीय शे. बदोद्दिन शे. सलीम हा अल्पवयीन मुलगा बेपत्ता झाल्याची तक्रार मुलाची आई अल्मास बानो शेख सलीम ( ३७ ) रा. अस्पाकउल्लाह चौक शेगाव यांनी १६ ऑगस्ट रोजी शेगाव शहर पो.स्टे. ला दिली होती.तर १९ ऑगस्ट रोजी चांदुर बिस्वा ता. नांदुरा येथून फिर्यादीच्या नातेवाईकांचा त्यांना कॉल आला व बेपत्ता मुलगा शे. बदोद्दिन शे. सलीम हा त्यांच्याकडे आल्याचे त्यांनी सांगितले. मुलाची आई ताबडतोब चांदुर बिस्वा येथे पोहोचली व मुलाला शेगावी सोबत घेऊन आली. बेपत्ता मुलगा घरी सुखरूप पोहचल्याने मुलाच्या आईसह नातेवाईक व शेजारीपाजाऱ्यांनी आनंद व्यक्त केला.
