स्टार भारत लाईव्ह एक्सप्रेस शेगाव प्रतिनिधी श्याम पहुरकररेल्वेतून पडल्याने एका बावीस वर्षीय अज्ञात महिलेचा मृत्यू झाला आहे. ही घटना येथील रेल्वे पोलिस ठाण्यांतर्गत येत असलेल्या बिस्वाब्रीज येथे २५ एप्रिल रोजी रात्री साडे बारा वाजेच्या सुमारास उघडकीस आली आहे.या प्रकरणी बिस्वाब्रीजचे स्टेशन मास्टर यांच्या तक्रारीवरून शेगाव रेल्वे पोलिसांनी आकस्मिकमृत्यूची नोंद केली आहे. मृत अज्ञात महिलेचा रंग गोरा असून उंची पाच फूट दोन इंच असून चेहरा गोल आहे. महिलेचे केस काळे असून तिने पांढरे टी शर्ट व निळ्या रंगाचा जिन्स पॅण्ट परिधान केला आहे. या महिलेबाबत काही माहिती मिळाल्यास सहायक पोलिस निरीक्षक मगर व तपास अंमलदार पोहेकॉ डिगांबर राठोड यांच्याशी संपर्क साधावा.
