श्री .संत जंगली महाराज मंदिर मोतीपुरा,नांदुरा येथे श्रीमद् भागवत ज्ञानयज्ञ ,तथा अखंड हरिनाम सप्ताहाचे आयोजन,

स्टार भारत लाईव्ह एक्सप्रेस

प्रतिनिधी -प्रशांत चव्हाण

नांदुरा : श्री संत सद्गुरू जंगली महाराज यांच्या १०९ व्या पुण्यतिथीनिमित्त नांदुरा येथे श्रीमद् भागवत ज्ञानयज्ञ कथा व अखंड हरिनाम सप्ताहाचे आयोजन करण्यात आले आहे. हा धार्मिक व आध्यात्मिक सोहळा श्री महादेव गो-रक्षण संस्थान, र. नं. ए २४५, नांदुरा येथे आयोजित करण्यात आला आहे.
या कार्यक्रमाचा प्रारंभ सोमवार, दि. २८ सप्टेंबर २०२६ रोजी होत असून सोमवार, दि. ५ ऑक्टोबर २०२६ रोजी सांगता होणार आहे. श्रीमद् भागवत कथा वाचन ह.भ.प. श्री दत्तात्रय महाराज अहिर, आसलगाव यांच्या रसाळ वाणीतून सकाळी ०९. ते १२ व ०३ ते०५ वेळेत होणार आहे. कार्यक्रमाचे प्रमुख मार्गदर्शक ह.भ.प. मधुकर महाराज आहेत.
सप्ताहादरम्यान विविध दिवसांमध्ये नामवंत कीर्तनकार महाराजांचे कीर्तन होणार असून सकाळी काकडा, भागवत कथा तसेच सायंकाळी हरिपाठ व रात्री श्रीहरी कीर्तन अशा विविध धार्मिक कार्यक्रमांचे आयोजन करण्यात आले आहे.
सोमवार, दि. ५ ऑक्टोबर २०२६ रोजी ह.भ.प. श्री. दिनेश महाराज भामद्रे , कवठळ यांच्या काल्याच्या कीर्तनाने सप्ताहाची सांगता होणार आहे. यानंतर दुपारी १२ ते ३ वाजेपर्यंत महाप्रसादाचे आयोजन करण्यात आले आहे. शोभायात्रा मंदिरापासून प्रारंभ होणार आहे.
या धार्मिक सोहळ्यासाठी गायक, टाळकरी मंडळी, मृदंगाचार्य, हार्मोनियम वादक तसेच हरिपाठ व काकडा मंडळींचे सहकार्य लाभणार आहे.
या संपूर्ण कार्यक्रमाचे आयोजन विश्वस्त मंडळ, श्री महादेव गो-रक्षण संस्थान, नांदुरा तसेच श्री संत जंगली महाराज सेवाधारी उत्सव समिती मंडळ, नांदुरा यांच्या वतीने करण्यात आले आहे.
धार्मिक व आध्यात्मिक वातावरणात होणाऱ्या या सप्ताहाचा लाभ भाविकांनी मोठ्या संख्येने घ्यावा, असे आवाहन आयोजकांच्या वतीने करण्यात आले आहे.