पुण्यावरून अकोटला जाणाऱ्या कारचा चिखली खामगाव रोडवर हिवरखेड फाट्याजवळ अपघात,
स्टार भारत लाईव्ह एक्सप्रेस
प्रतिनिधी – प्रशांत चव्हाण
चिखली – दिनांक ५/०४/२६ रोजी रात्री 12 वाजेच्या सुमारास पुण्यावरून अकोटला जाणाऱ्या स्कोडा (MH14 MV 9827 ) या गाडीला हिवरखेड फाट्याजवळ भयानक असा अपघात झाला , हा अपघात इतका भयंकर होता की गाडी अंदाजे 150 ते 200 मीटर पलटी घेत रोडच्या बाजूच्या नाली मध्ये पडली. यामध्ये कारचे मोठे नुकसान झाले . गाडीचे इंजन तुटून रोडच्या एका बाजूस पडलेले आढळले , गाडीमध्ये प्रवासी दोघे पती-पत्नी होते, ते गाडीमध्ये असतानाच गाडीने पेट घेतला. मात्र त्यावेळेला चिखली येथील रहिवासी. श्री .प्रदीप वाळेकर व श्री .प्रकाश दिघेकर हे अकोला येथून चिखलीला येत असताना त्यांनी हा अपघात बघितला. आणि आणि तात्काळ त्या दोघा पती-पत्नींना त्यांनी पेटलेल्या गाडीतून सुखरूप बाहेर काढले.
आणि त्यांना उपचारासाठी खामगाव येथील सिल्वर सिटी हॉस्पिटल मध्ये घेऊन गेले . वेळेत उपचार झाल्याने दोघांचेही प्राण वाचले , मात्र या अपघाता मध्ये गाडीचे शंभर टक्के नुकसान झाले. अपघाताचे कारण अद्याप स्पष्ट नाही.
