🇮🇳 “स्माईलिंग स्टोन फाउंडेशन आणि पाचपांडे मल्टीस्पेशालिटी हॉस्पिटलचा विशेष उपक्रम – प्रत्येक रुग्णाला सुट्टीच्या वेळी 1 किलो फळांची भेट”

पाचपांडे मल्टीस्पेशालिटी हॉस्पिटल आणि स्माईलिंग स्टोन फाउंडेशन, मुक्ताईनगर यांनी एक नवीन आणि आरोग्यवर्धक उपक्रम सुरू करण्याचा निर्णय घेतला आहे. या उपक्रमांतर्गत हॉस्पिटलमधील रुग्णांना एक किलो फळ देण्यात येणार आहे. हा निर्णय रुग्णांच्या आरोग्याच्या दृष्टीने अत्यंत महत्त्वाचा ठरणार आहे.

फळ खाणे हे आपल्या शरीरासाठी अत्यंत लाभदायक असते. त्यामध्ये असणारे जीवनसत्त्वे, खनिजे आणि अँटीऑक्सीडंट्स रुग्णांच्या प्रतिकारशक्तीला वाढविण्यात मदत करतात आणि त्यांचे संपूर्ण आरोग्य सुधारण्यासाठी उपयुक्त ठरतात. “दररोज एक फळ खा आणि डॉक्टरांना दूर ठेवा” हा वाक्यप्रचार प्रसिद्ध आहे, आणि यामुळेच डॉक्टर प्रविणदादा पाचपांडे यांनी हा उपक्रम हाती घेतला आहे.

फळामुळे रुग्णांच्या शरीरातील पोषणाची गरज पूर्ण होईल, तसेच त्यांना ताजेतवाने आणि ऊर्जा मिळेल. स्माईलिंग स्टोन फाउंडेशन आणि पाचपांडे मल्टीस्पेशालिटी हॉस्पिटल यांच्या या उपक्रमाद्वारे, रुग्णांना केवळ औषधोपचारच नव्हे तर योग्य आहाराद्वारे आरोग्य सुधारण्याची संधी मिळेल.

प्रत्येक रुग्णांला सुट्टीच्या वेळेस फळ देऊन त्यांना योग्य आहार आणि जीवनशैली बद्दल मार्गदर्शन केले जाईल, ज्यामुळे ते हॉस्पिटलमधून सुटल्यानंतरही चांगले आरोग्य टिकवू शकतील. हा उपक्रम रुग्णांच्या तंदुरुस्तीसाठी एक आदर्श पाऊल ठरेल आणि त्यांच्या लवकर बरे होण्यासाठी महत्त्वाची भूमिका बजावेल.