डी. रोकडे | बुलढाणा जिल्हा प्रतिनिधी
घाटपुरी (ता. खामगाव, जि. बुलढाणा) –
श्री सद्गुरु श्रीधर महाराज संस्थान, घाटपुरी यांच्या वतीने श्री सद्गुरु श्रीधर महाराज यांच्या सुवर्ण महोत्सवी वर्षानिमित्त तसेच ह.भ.प. रामभाऊ महाराज चोपडे यांच्या १९ व्या पुण्यतिथीनिमित्त भव्य ५० दिवसीय पंचक्रोशी पादुका रथ यात्रेचे आयोजन करण्यात आले आहे. या सोहळ्याला भाविकांचा उत्स्फूर्त प्रतिसाद लाभत असून संपूर्ण परिसर भक्तिमय वातावरणाने दुमदुमून गेला आहे.या कार्यक्रमाचे आयोजन स्वामी वासुदेवानंद सरस्वती, अंबादास महाराज चोपडे व गोकुळ महाराज चोपडे यांच्या संकल्पनेतून करण्यात आले. कार्यक्रमाला विविध संत-महात्मे व मान्यवरांची प्रमुख उपस्थिती लाभली होती.-
कार्यक्रमाची सांगता व रथ अनावरणदि.
१२ एप्रिल २०२६ रोजी ह.भ.प. परमेश्वर महाराज जायभाये (आळंदी) यांच्या काल्याच्या कीर्तनाने कार्यक्रमाची सांगता झाली. यावेळी संतांच्या हस्ते रथाचे अनावरण करण्यात आले. त्यानंतर भाविकांना महाप्रसादाचे वितरण करण्यात आले.
महाप्रसादासाठी विविध संस्थांची सेवामहाप्रसाद व्यवस्थेसाठी अनेक सेवाभावी संस्थांनी पुढाकार घेत उत्कृष्ट सेवा दिली. त्यामध्ये प्रमुख:जगदंबा क्रीडा मंडळ, घाटपुरीकृषि विक्रेता प्रतिनिधी, खामगावजय गजानन भक्त मंडळ, भंडारी व तालखेड़महारुद्र मारुती मंडळ, घाटपुरीमॉभारती प्रतिष्ठान, खामगावहिंदू तन मन ग्रुप, खामगावश्रीधर नगर महिला मंडळ, घाटपुरीवीर हनुमान मंडळ, बोरजवळाआदी संस्थांचा समावेश होता.
भव्य दिंडी स्पर्धेने रथयात्रेला सुरुवातरथयात्रेचा शुभारंभ खामगाव शहरातून ज्ञानोबा-तुकोबा दिंडी स्पर्धेच्या माध्यमातून करण्यात आला. विविध गावांतील टाळकरी व भजनी मंडळांनी मोठ्या उत्साहात सहभाग नोंदविला.
🏆 स्पर्धेतील विजेते:
🥇 प्रथम क्रमांक:
पिंपरी गवळी भजनी मंडळ (बक्षीस – पालखी)
🥈 द्वितीय क्रमांक: घाटपुरी भजनी मंडळ
(बक्षीस – १० टाळ)
🥉 तृतीय क्रमांक: पहुरजिरा भजनी मंडळ
(बक्षीस – चोपदार गणवेश व राजदंड)निरीक्षक म्हणून कैलास महाराज धर्माळी, संतोष महाराज मनसुटे व शुभम महाराज घोरपडे यांनी काम पाहिले.
महिला दिंडी स्पर्धेलाही उत्स्फूर्त प्रतिसाद
दि. १३ एप्रिल २०२६ रोजी खामगाव येथील श्री प्रल्हाद महाराज राम मंदिर येथे महिला हरिपाठ दिंडी स्पर्धा मोठ्या उत्साहात पार पडली. विविध तालुक्यांमधील महिला मंडळांनी सहभाग घेतला.
🏆 महिला स्पर्धेतील विजेते:
🥇 प्रथम: शेगाव महिला भजनी मंडळ (पालखी)
🥈 द्वितीय: फुली (१० टाळ)
🥉 तृतीय: जवळा बाजार (चोपदार गणवेश व राजदंड)इतर सर्व सहभागी दिंड्यांना प्रोत्साहनपर बक्षीस (₹११००) देण्यात आले.
सभा व मार्गदर्शनया प्रसंगी वारकरी मंडळींची सभा घेण्यात आली. सभेचे अध्यक्षस्थान सारंगधर महाराज गोळेगावकर यांनी भूषविले. गोकुळ महाराज चोपडे यांनी मनोगत व्यक्त केले. कार्यक्रमाचे नियोजन श्रीकृष्ण महाराज सरोदे व सुरेश महाराज शिंगोटे यांनी उत्कृष्टरीत्या केले.
रथयात्रेचा पुढील प्रवासकार्यक्रमानंतर सर्व वारकऱ्यांना फराळाचे वितरण करण्यात आले. त्यानंतर सायंकाळी चार वाजता टाळकरी व भाविकांच्या उपस्थितीत रथयात्रा पुढील प्रवासासाठी मार्गस्थ झाली.
अशी माहिती श्री सद्गुरु श्रीधर महाराज संस्थान, घाटपुरी यांच्या वतीने देण्यात आली आहे.
