स्वातंत्र्य दिनी ” देश की रक्षा हम करेंगे ” या कमांडो विद्यार्थिनींच्या जयघोषाने नागरिकांमध्ये संचारली राष्ट्रप्रेमाची भावना

स्टार भारत लाईव्ह एकसप्रेस
चिखली तालुका प्रतिनिधी
अरुणा दत्तात्रय खंडागळे

मंगरूळ नवघरे – भारतरत्न डॉ बाबासाहेब आंबेडकर आदर्श शाळा जिल्हा परिषद हायस्कूल जुनिअर कॉलेज मंगरूळ नवघरे येथे देशाचा ८० वा स्वातंत्र्य दिन उत्साहपूर्ण व देशभक्तीमय वातावरणात साजरा करण्यात आला.
यावेळी प्राचार्य वसंतराव गाडेकर यांच्या मार्गदर्शनाखाली शाळा व्यवस्थापन समितीचे अध्यक्ष डॉ . रामेश्वर सुधाकरराव धमक यांच्या हस्ते व ग्रामपंचायत सरपंच सौ . नलिनीताई जाधव , शाळा समिती उपाध्यक्ष शांतीराम शेजोळ , सदस्य अनिल आंभोरे , शेरुभाई तसेच पालक व गावकरी यांच्या प्रमुख उपस्थितीत ध्वजारोहण करून वंदेमातरम , राष्ट्रगीत व राज्यगीत गाऊन राष्ट्रध्वजाला मानवंदना देण्यात आली .

 याप्रसंगी देशभक्तीपर  गीतांवर बसविण्यात आलेली सामुहिक कवायत , विद्यार्थिनींची कमांडो फोर्स , स्वातंत्र्य सेनानी स्कीट , लेझीम नृत्य , चित्तथरारक योगासन करून दोन हातांवर चालणे ,  कोलांटउड्या , लाठीकाठी  अशा सांस्कृतिक कार्यक्रमांनी नागरींकांचे लक्ष वेधले आणि मुलींच्या कमांडो फोर्सने दिलेला नारा

” देश की रक्षा हम करेंगे , हम करेंगे या बुलंद जयघोषाने नागरीक व विद्यार्थ्यांमध्ये अक्षरशः राष्ट्रभावना ,त्याग , समर्पण व जाज्वल्य देशप्रेम संचारले आणि संपूर्ण गावात देशभक्ती , एकता व राष्ट्रप्रेमाचे वातावरण निर्माण झाले .

यावेळी प्राचार्य वसंतराव गाडेकर यांनी महाराष्ट्र राज्याचे मुख्यमंत्री देवेंद्रजी फडणवीस यांनी स्वातंत्र्य दिनाच्या निमित्ताने राज्यातील नागरिकांना व युवकांना उद्येशून लिहिलेले पत्र सर्वांना वाचून दाखविले व उपस्थित सर्व विद्यार्थी , शिक्षक , पालक व नागरीकांना व्यसनमुक्त महाराष्ट्र बनविण्यासाठी व्यसनमुक्ती बाबतची शपथ देण्यात आली व मान्यवरांच्या हस्ते शाळेतील गुणवंत विद्यार्थ्यांचा व त्यांच्या पालकांचा सत्कार करून बक्षिस देण्यात आले .

  कार्यक्रमाचे प्रास्ताविकात  आदर्श शिक्षक रामनंदन केदार यांनी उपस्थित विद्यार्थी व नागरिकांना स्वातंत्र्य दिनाचे महत्त्व, स्वातंत्र्यसैनिकांचे योगदान आणि देशाप्रती आपली कर्तव्ये याबाबत मार्गदर्शन केले. कार्यक्रमाचे सुत्रसंचालन ज्येष्ठ शिक्षक डी . एस . वायाळ तर आभार प्रदर्शन पंढरी रिंढे यांनी केले .

   देशभक्तीमय वातावरण निर्मितीसाठी शाळेतील उपक्रमशिल शिक्षक रामनंदन केदार , कु . सुनयना नेवारे मॅडम , राजेंद्र चव्हाण , रामेश्वर तोंडे , पंढरी रिंढे , कु . कल्पना जाधव , कु . निलाक्षी भालेराव , ज्येष्ठ शिक्षक डी . एस . वायाळ , परमेश्वर सुर्वे ,  संतोष मोरे , संजय इंगळे , तुषार कुसुंबे  इरफान पटेल व कु . कविता उंबरकर या शिक्षक व शिक्षकेतर कर्मचारी व विद्यार्थ्यांनी उत्स्फूर्त सहभाग नोंदविला व नागरीकांनी कार्यक्रमाची शोभा वाढविली .