श्री स्वरांगिनी शास्त्रीय संगीत क्लासेस चा प्रथम वर्धापन दिन व गुरुपूजन सोहळा .वासिंद

श्री स्वरांगिनी शास्त्रीय संगीत क्लासेस चा प्रथम वर्धापन दिन व गुरुपूजन सोहळा .वासिंद –

( सचिन शेलवले )

दिनांक २६ डिसेंबर २०२२ या दिवशी श्री स्वरांगिनी शास्त्रीय संगीत क्लासेसचा प्रथम वर्धापन दिन व गुरुपूजन सोहळा अंजनीया कॉम्प्लेक्स स्वामी विवेकानंद नगर, वासिंद (पूर्व) या ठिकाणी पार पडला . या स्वरांगिनी क्लासेसची संचालिका सौ . दिपाली राव व आयोजक श्री . दिपक मंगल राव यांनी कार्यक्रम आयोजित केला होता . कार्यक्रमाची सुरुवात गुरुवर्य भागवताचार्य गणेश जी महाराज पुलकुंठवार, ह .भ .प . श्री जगन्नाथ महाराज पाटील, प्रेरणास्थान ह . भ .प . गोविंद जी महाराज तरणे, श्रद्धास्थान मठाधिपती गुरुवर्यय धनंजयदासजी महाराज, पूजनीय सेवाधारी ह.भ.प. सावळारामजी महाराज शिंगोळे इगतपुरी यांच्या कृपाशिर्वादाने झाली . तबला साथ यशंवत वैष्णव यांचे शिष्य कौस्तुभजी तळेकर , महाराष्ट्रातील प्रसिद्ध संवादिनी वादक तन्मयजी देवचक्के यांचे शिष्य अंकितजी कुंभार व गुरुवर्य बाळासाहेब वायकर यांचे शिष्य संवादिनी वादक रुपेशजी गोंधळी तसेच मयुरजी भास्कर यांनी मृदंग साथ केली.त्यानंतर महाराष्ट्रातील सुप्रसिद्ध गायिका गुरुवर्य सुरमणी सौ . भाग्यश्रीताई देशपांडे व स्वरांगिनी क्लासेसच्या संचालिका सौ .दिपाली राव यांना संवादिनी साथ दिली .मृदुंग सेवक ह .भ .प .मयुरजी महाराज भास्कर यांच्या मार्गदर्शनाने , गुरुवर्य मयुरजी भास्कर यांचे शिष्य मृदुंग साथ प्रभात दिपक राव , गुरुवर्य शुभमजी भगत यांचे शिष्य तबला साथ ओंकार राजेंद्र गतीर यांनी क्लासेसच्या सर्व विद्यार्थ्यांना साथ दिली . महाराष्ट्रातील सुप्रसिद्ध गायिका गुरुवर्य सुरमणी सौ . भाग्यश्रीताई देशपांडे (मुंबई ) तसेच त्यांचे वडिल संगीत तज्ञ पांडुरंगजी देशपांडे आंबेजोगाई यांच्या विशेष उपस्थितीत व आशीर्वादाने या कार्यक्रमाला सुरुवात झाली .कार्यक्रमाचे सूत्रसंचालन ह .भ. प .शिवाजी महाराज सातपुते यांनी केले .प्रथमता कार्यक्रमाची सुरुवात दिप प्रज्वलनाने आणि तसेच आपले आराध्य दैवत गणेशाची मुर्ती व राधेश्याम तसेच माता सरस्वतीच्या पुजनाने झाली . प्रथमतः सर्व स्वरांगिनी क्लासेसच्या विद्यार्थ्यांनी व गुरुवर्य सौ दिपाली राव यांच्या समवेत सरस्वतीचे मातेचे ईशस्तवन म्हटले . त्यानंतर स्वरांगिनी क्लासेसचे विद्यार्थ्यांचे शास्त्रीय संगीत गायन झाले . प्रथम पहिले शास्त्रीय गायन मयुर सचिन शेलवले वय वर्ष ९ या विद्यार्थ्याने बंदिश व गणपती बाप्पा चे गाणे म्हटले. पहिल्या गाण्यापासून शास्त्रीय संगीत गाण्यांची सुरुवात चांगल्या प्रकारे झाली . त्यानंतर नम्रता म्हस्कर , वैष्णवी विशे , राजश्री म्हस्कर ,ऋतुजा दुभेले , चारुता दिपक राव , नंदिनी घरत , स्वरूपा आगिवले वय वर्ष ९ , कस्तुरी देसले, जिज्ञासा तारमळे या सर्व स्वरांगिनी क्लासेसच्या विद्यार्थ्यानी बंदिश व अभंग यांचे शास्त्रीय पद्धतीने गायन केले . त्यांच्या गुरुवर्य सौ दिपाली राव यांच्या अथक परिश्रमाने तसेच मुलांनी घेतलेल्या प्रामाणिक मेहनतीने रियाजाने सर्व प्रेक्षकांना त्यांच्या वाणीने मंत्रमुग्ध केले . त्यानंतर गुरुवर्य सौ . दिपाली राव यांचे सुस्वर शास्त्रीय संगीताचे गायन झाले . त्यांनी सर्व प्रेषकांना मंत्रमुग्ध केले .त्यानंतर उपस्थित सर्व गुरुवर्यांचें संचालिका सौ दिपाली राव व आयोजक दिपक महाराज राव यांच्या हस्ते पुजन करून त्यांना सन्मानित करण्यात आले.तद्नंतर महाराष्ट्रा्तील सुप्रसिद्ध गायिका सूरमणी सौ .भाग्यश्रीताई देशपांडे (मुंबई ) सौ दिपाली राव यांच्या गुरूवर्य. यांचे सुस्वर शास्त्रीय संगीताचे गायन झाले . सर्व प्रेषकांना त्यांनी त्यांच्या वाणीने मंत्रमुग्ध केले . कार्यक्रमाला असंख्य वारकरी संप्रदायाचे ह .भ.प .महाराज , वारकरी तसेच गुरुवर्य ,तसेच नावाजलेले गायक , वादक व असंख्य जनसमुदाय तसेच अंजनी कॉम्प्लेक्सचे सदस्य महिला व बालगोपाळांचा सहभाग होता .व नादब्रह्म पखावज क्लासेसचे सर्व शिष्य परिवार उपस्थित होते. कार्यक्रमाच्या शेवटी गुरवर्य सुरमणी सौ . भाग्यश्रीताई देशपांडे यांच्या हस्ते क्लासेसच्या विद्यार्थ्यांना सन्मानित करण्यात आले .व भागवताचार्य हे.भ.प.गणेशजी महाराज पुलकुंठवार यांच्या हस्ते उपस्थित सर्व जेष्ठ श्रेष्ठांना सन्मानित करण्यात आले त्यानंतर महाप्रसाद झाला . अशा प्रकारे कार्यक्रमाची सांगता झाली .