मुक्ताईनगर प्रतिनिधी :-
मुक्ताईनगर विधानसभा निवडणुकीसाठी 17 उमेदवार रिंगणात राहणार आहेत तर आज माघारीच्या दिवशी 7 उमेदवारांनी स्वतःच्या इच्छेने माघार घेतलेली आहे. आज मुक्ताईनगर तहसील कार्यालय येथे सकाळपासूनच राजकीय पक्षाचे कार्यकर्ते व पदाधिकारी यांची लगबग होती. दुपारी तीन वाजेपर्यंत 7 उमेदवारांनी माघार घेतलेली आहे. तसेच सायंकाळपर्यंत 17 उमेदवारांना चिन्ह वाटपाचे कामकाज सुरू होते.
माघार घेतलेले उमेदवार खालील प्रमाणे:-
जितेंद्र पांडुरंग पाटील (रा. भालोद, ता. यावल), सुरेश शिवराम ठाकरे (रा. थोरगव्हाण, ता. रावेर) कांडेलकर संजय प्रल्हाद (रा. मुक्ताईनगर), कांडेलकर प्रतिभा संजय (रा. मुक्ताईनगर), रवींद्र एकनाथ बावस्कर (रा.कोल्हाडी, ता. बोदवड), सागर प्रभाकर पाटील (रा. बोदवड), सुरयाबानो दगडू शाहा (रा. सावदा, ता. रावेर) असे एकूण मुक्ताईनगर विधानसभा निवडणुकीच्या रिंगणातून माघार घेतलेले 7 उमेदवार आहेत.
