महिलांना जेवणाच्या बहाण्याने बोलावून अत्याचार? बड्या नेत्याचं काळ कृत्य, महिलांच्या शोषणाच्या आरोपांनी राज्य हादरलं…!
स्टार भारत लाईव्ह एक्सप्रेस प्रतिनिधी
बंगालमधील एका प्रभावशाली स्थानिक नेत्याविरोधात गंभीर आरोप समोर आल्याने राजकीय व सामाजिक वर्तुळात खळबळ उडाली आहे. तृणमूल काँग्रेसशी संबंधित नेता रबिउल इस्लाम याच्यावर महिलांना आपल्या आलिशान गार्डन हाऊसमध्ये बोलावून त्यांचे लैंगिक शोषण केल्याचे आरोप करण्यात आले आहेत.स्थानिक नागरिकांच्या दाव्यानुसार, जवळपास 100 एकर परिसरात पसरलेल्या गार्डन हाऊसमध्ये महिलांना मासे तळण्याच्या किंवा जेवण तयार करण्याच्या बहाण्याने बोलावले जात असे. त्यानंतर त्यांच्यावर अत्याचार केल्याचा आरोप आहे. मात्र, या आरोपांची सत्यता न्यायालयीन आणि पोलिस तपासानंतरच स्पष्ट होणार आहे.रबिउल इस्लाम याचा प्रवास देखील चर्चेचा विषय ठरला आहे. 2011 पूर्वी तो सामान्य मजूर म्हणून काम करत होता. त्यानंतर स्थानिक राजकारणात प्रभाव वाढल्यानंतर त्याने मोठी संपत्ती उभी केल्याचे सांगितले जात आहे. त्याच्या मालकीच्या गार्डन हाऊसची किंमत सुमारे 10 कोटी रुपये असल्याचा दावा केला जात आहे.याशिवाय खंडणी, महिलांवरील अत्याचार आणि इतर गुन्ह्यांशी संबंधित अनेक तक्रारी त्याच्याविरोधात दाखल झाल्याचेही वृत्त आहे. अटकेपासून बचाव करण्यासाठी तो सीमाभागातून पळून जाण्याचा प्रयत्न करत असल्याचा दावा करण्यात आला होता. मात्र, पोलिसांनी त्याला ताब्यात घेतल्याचे रिपोर्टमध्ये नमूद करण्यात आले आहे.सध्या संबंधित प्रकरणाचा तपास सुरू असून, तपास यंत्रणा त्याच्या कथित बेकायदेशीर मालमत्ता आणि इतर आरोपांची चौकशी करत आहेत. या प्रकरणामुळे स्थानिक पातळीवर संतापाचे वातावरण निर्माण झाले असून, नागरिकांकडून कठोर कारवाईची मागणी होत आहे.
