दिपनगरमध्ये कामगारांचे साखळी उपोषण; प्रलंबित मागण्यांसाठी आंदोलन तीव्र

पगार, एरियर्ससह सुरक्षा व बोनसचा मुद्दा; संबंधित कंपनीला काळ्या यादीत टाकण्याची मागणी
दिपनगर, प्रतिनिधी :
दिपनगर येथे दिनांक १७ मार्च २०२६ पासून कामगारांनी आपल्या विविध प्रलंबित मागण्यांसाठी साखळी उपोषण सुरू केले असून, या आंदोलनामुळे परिसरात कामगार प्रश्न पुन्हा ऐरणीवर आला आहे. गेल्या अनेक दिवसांपासून मागण्यांकडे दुर्लक्ष होत असल्याचा आरोप करत कामगारांनी हा मार्ग अवलंबल्याचे सांगितले.
कामगारांच्या प्रमुख मागण्यांमध्ये नियमित पगार देणे, थकित एरियर्सची तात्काळ पूर्तता करणे, राष्ट्रीय सुट्ट्यांचा लाभ देणे, कामाच्या ठिकाणी आवश्यक सुरक्षा साधने उपलब्ध करून देणे तसेच बोनस देण्यात यावा, या मुद्द्यांचा समावेश आहे. याशिवाय, ऍक्युरेट सिक्युरिटी सर्विसेस, पुणे या कंपनीच्या कार्यपद्धतीबाबत नाराजी व्यक्त करत संबंधित कंपनीला काळ्या यादीत टाकण्याचीही ठोस मागणी करण्यात आली आहे.
या साखळी उपोषणात सागर बावस्कर, संदीप सुरवडकर, प्रदीप दाभाडे, विजय झाल्टे, प्रवीण भिरुड आणि येवगेश देव हे कामगार सक्रिय सहभाग घेत असून, त्यांनी प्रशासनाकडे तातडीने दखल घेण्याची मागणी केली आहे.
दरम्यान, कामगारांच्या या आंदोलनामुळे औद्योगिक परिसरात तणावाचे वातावरण निर्माण झाले असून, संबंधित विभाग व प्रशासनाने त्वरित हस्तक्षेप करून प्रश्न मार्गी लावावा, अशी अपेक्षा व्यक्त केली जात आहे. कामगारांच्या मागण्या योग्य असल्यास त्यावर सकारात्मक निर्णय घेणे गरजेचे असल्याचे मतही व्यक्त होत आहे.

o