जबाबदार वार्तांकनासाठी पुढाकार: जळगावात पत्रकारांना कायद्यांचे सखोल मार्गदर्शन
स्टार भारत लाईव्ह एक्सप्रेस प्रतिनिधी
जळगाव, दि. ३ मे २०२६ (प्रतिनिधी):नवीन फौजदारी कायद्यांबाबत पत्रकारांना सखोल माहिती मिळावी आणि जबाबदार वार्तांकनाला चालना मिळावी या उद्देशाने जळगाव येथे आयोजित विशेष मार्गदर्शन कार्यशाळा उत्साहात पार पडली. या उपक्रमाला जिल्ह्यातील विविध माध्यमांतील पत्रकारांची उत्स्फूर्त उपस्थिती लाभली.पोलीस अधीक्षक श्रीकांत धिवरे यांच्या पुढाकारातून आयोजित या कार्यशाळेत नवीन फौजदारी कायद्यांतील महत्त्वपूर्ण बदल, त्यांचे सामाजिक व कायदेशीर परिणाम तसेच वार्तांकन करताना पत्रकारांनी घ्यावयाची आवश्यक काळजी याबाबत सविस्तर मार्गदर्शन करण्यात आले.यावेळी संदीप गावित यांनी प्रत्यक्ष उदाहरणांच्या माध्यमातून विषय अधिक सोपा करून सांगितला. पत्रकारांनी उपस्थित केलेल्या विविध प्रश्नांचे समाधानकारक निरसनही करण्यात आले, ज्यामुळे कार्यशाळेला संवादात्मक स्वरूप प्राप्त झाले.कार्यक्रमानंतर आयोजित स्नेहभोजनातून पत्रकार आणि पोलीस प्रशासन यांच्यात अनौपचारिक संवाद साधला गेला. यामुळे परस्पर समन्वय अधिक दृढ होण्यास मदत झाली.एकूणच, पत्रकारांच्या व्यावसायिक कौशल्यवृद्धीस चालना देणारी आणि पोलीस-प्रशासन व माध्यमांमधील संवाद अधिक मजबूत करणारी ही कार्यशाळा ठरल्याची भावना उपस्थितांनी व्यक्त केली.
