स्टार भारत लाईव्ह एक्सप्रेस
विदर्भ प्रतिनिधी श्याम पहूरकर
शेगाव कारने सोबत जात असताना युवकाने अल्पवयीन मुलीचा विनयभंग केला. तसेच यावयन् वाद झाला असता सदर मुलीच्या वडीलांना मारहाण केली. ही घटना २७ ऑक्टोबर रोजी माटरगाव शिवारात घडली.मोताळा तालुक्यातील लोणघाट येथील कुटुंबीय २७ ऑक्टोबर रोजी कारने माटरगाव येथे जात होते. दरम्यान रस्त्यात मनोज रामकिसन मच्छले (३०) रा. माटरगाव याने हात दाखवून त्यांची गाडी थांबविली व तो त्यांच्या कारमध्ये बसला. काही अंतरावर गेल्यावर यातील १५ वर्षीय मुलीचे वडीलांनी कार थांबवून लघुशंकेसाठी गेले व त्याचवेळी मुलीची आई कारच्या बाहेर रस्त्यावर उभी असतांना आरोपीने संधीचा गैरफायदा घेत मुलीशी गैरवर्तन करित तिचा विनयभंग केला. याबाबत पिडीत मुलीने हिवरखेड पो.स्टे.ला तक्रार दिली असून यावरून पोलिसांनी मनोज रामकिसन मच्छले याच्याविरूध्द कलम ३५४, ३५४ अ, ३२४, ३२३, ५०६ भादंवि सहकलम ८ बालकांचे लैंगिक अत्याचारापासून प्रतिबंधक अधिनियम २०१२ नुसार गुन्हा दाखल केला आहे.
