मुक्ताईनगर प्रतिनिधी :-
रस्त्याच्या साईट पट्ट्यांना भरल्याने वारकऱ्यांना भोगाव लागेल त्रास
जुने गावातून नागेश्वर मंदिरा मार्गे कोथळी मुक्ताई मंदिराकडे जाणारा रस्ता हा सिमेंट काँक्रीट चा करण्यात आला असून रस्ता सुमारे एक वर्षापासून तयार झालेला असून देखील रस्त्याच्या साईट पट्ट्या अद्यापही भरण्यात आलेल्या नाही रस्त्याच्या आजूबाजूला न भरलेल्या साईट पट्ट्या या सुमारे एक ते दीड फुटापर्यंत खोल असून त्या ठिकाणी वाहतुकीचे प्रमाण वाढल्यास मोटर सायकल स्वार घसरून अपघाताची शक्यता नाकारता येत नाही.
यासंदर्भात मुक्ताईनगर सार्वजनिक बांधकाम विभागाचे मुख्य अभियंता यांच्याशी माहिती घेण्यासाठी भ्रमणध्वनीद्वारे संपर्क केला असता त्यांनी कुठलाही प्रतिसाद दिला नाही तसेच त्यांच्या कार्यालयात कार्यालयीन वेळेत माहिती घेण्यासाठी गेले असता ते कार्यालयात दिसून आले नाही. तसेच त्यांची कार्यालयात येण्याची व जाण्याची वेळ सर्वसामान्यांना माहीत नसून त्यांनी वरिष्ठांच्या आदेशाला केराची टोपली दाखवली काय असा प्रश्न उपस्थित होत आहे.
यात्रोत्सव काळात शहरातील दुभाजकातील पथदिवे बंद
मुक्ताईनगर शहरातील बस स्टॅड व शहरातून वारकऱ्यांच्या पायी दिंडी असतील तसेच लाखो वारकरी यांची यात्रा काळात वर्दळ असते परंतु अशा वेळी संत मुक्ताई नवीन मंदिर ते प्रवर्तन चौक व प्रवर्तन चौक ते बऱ्हाणपूर रोडवरील हिंदू स्मशानभूमीपर्यंत तसेच प्रवर्तन चौक ते कोथळी पर्यंत असलेल्या रस्त्याच्या दुभाजकांमधील पथदिवे बंद पडलेले असून शहरात रात्री रस्त्यांवर काळोख असतो यातूनच गेल्या आठ दिवसात काही दुचाकी चोरी गेल्याच्या घटना घडलेल्या आहेत त्यामुळे बंद असलेले पथदिवे तात्काळ सुरू करण्याची सर्वसामान्य नागरिकांकडून मागणी होत आहे. परंतु या मागणीकडे नगरपंचायत प्रशासन, एमएसआरडीसी प्रशासन, सार्वजनिक बांधकाम उपविभाग मुक्ताईनगर सपशेल हात झटकत असल्याने नेमके हे पथदिवे कोण दुरुस्त करणार याकडे आता लक्ष लागले आहे.
रस्त्यांवर घाणीचे साम्राज्य
शहरातील दुभाजक मध्ये वाढलेली झाडे झुडपे असतील किंवा बुऱ्हानपूर रोडवरील हिंदू स्मशानभूमी असेल यासमोर नदीपात्रात उघड्यावरील मास विक्रेत्यांनी टाकलेली ही घाण अद्यापही साफसफाई केलेली नसल्याने विदर्भ व मध्य प्रदेशातून येणाऱ्या पायी दिंडी सोहळ्यांना घाणीच्या दुर्गंधीतून संत मुक्ताई ची यात्रा घडवणार का असा सवाल उपस्थित होत आहे. उघड्यावर मास विक्री करणाऱ्यां मुळे पूर्णा नदी पात्रात हिंदू स्मशान भूमी जवळ मासाचे व माशांचे तुकडे आणि त्याची घाण टाकली गेल्यामुळे येथे दुर्गंधी पसरलेली आहे.
शहरातील बंद असलेल्या पथदिवे संदर्भात व बुराणपुर रोडवरील स्मशान भूमी जवळ मुख्य रस्त्यालगत पडलेल्या घाणीच्या साम्राज्याबाबत मुक्ताईनगर नगरपंचायतीचे मुख्य अधिकारी यांच्याशी विचारणा केले असता त्यांनी सांगितले की, शहरातील बंद पथदिवे या कामकाजाला आज सुरुवात करण्यात येणार असून पथदिवे सुरू करण्यात येतील तसेच बुऱ्हानपूर रस्त्यालगत असलेल्या स्मशानभूमी जवळ पडलेल्या घाणीच्या साफसफाईला देखील आजपासून सुरुवात करणार असल्याचे सांगितले.
जुने गावातून नागेश्वर मंदिरा मार्गे कोथळी मुक्ताई मंदिराकडे जाणारा रस्ता हा प्राचीन मार्ग असून त्या मार्गाने 2 किलोमीटर चे अंतर वारकऱ्यांना पायी कमी होत असून याच मार्गाने जावे रिक्षा वाहन चालक देखील हाच मार्ग अवलंबवत आहे गजानन महाराज मंदिराकडून 2 किलोमीटर भाविकांना जास्त होत आहे
