श्री गणेश विघामंदिर दातिवली दिवा या शाळेत महाशिवरात्र व प्राथमिक विभागाचे स्नेह संम्मेलन संपन्न .

श्री गणेश विघामंदिर दातिवली दिवा या शाळेत महाशिवरात्र व प्राथमिक विभागाचे स्नेह संम्मेलन संपन्न .दिवा –

( सचिन शेलवले )

शिवदत्त ज्ञान प्रसारक मंडळ संचलित श्री .गणेश विद्या मंदिर या शाळेत शनिवार दिनांक 18/2/2023 रोजी सकाळी संस्थेच्या सर्व पदाधिकारी यांच्या उपस्थितीत सकाळी संस्थेच्या महादेवाच्या मंदिरात महादेवाला अभिषेक घालण्यात आला . दिव्यात जवळच महादेवाचे मंदिर असल्यामुळे दर्शनाला भाविकांची अलोट गर्दी लोटली होती . मंदिरांची फुलांनी सुंदर सजावट तसेच पूर्ण शाळेला लाईटची रोषणाई तसेच मंदिराला सुद्धा रोषणाई करण्यात आली होती . भाविकांसाठी प्रसादाची सोय संस्थेतर्फे करण्यात आली होती . दुपारी ग्रामस्थ भजनी मंडळ दातिवली यांचे सूश्राव्य भजन झाले . श्री गणेश विद्या मंदिर दातिवली प्राथमिक विभागाची वार्षिक स्नेह संम्मेलन सायंकाळी ठिक 5.00 वाजता आयोजित करण्यात आला होता . त्यासाठी स्टेजच्या पुढे पालकांसाठी खुर्च्यांची व्यवस्था करण्यात आली होती . समोर पाहुण्यांसाठी बैठक व्यवस्था करण्यात आली होती . स्टेज मुलांनी कार्यानुभव मध्ये बनविलेल्या वस्तुंपासून सजवण्यात आला होता . पुष्प गुच्छ मुलांनी रंगीत कागदापासुन सुंदर रित्या तयार केल्या होत्या . पाहुण्यांच्या स्वागतासाठी ढोलताशे लेझीम पथक व विद्यार्थी पोलीसांची फौज सज्ज होती . वार्षिक स्नेह संमेलनासाठी प्रमुख पाहूणे म्हणुन मेस्टा संघटनेचे संस्थापक संजय तायडे तसेच महाराष्ट्र राज्याचे कोकण विभागीय मेस्टा संघटनेचे अध्यक्ष गजानन पाटील तसेच रोकडे सर , ठाणे जिल्हा मेस्टाचे अध्यक्ष नरेश पवार तसेच संस्थेच्या अध्यक्षा लिलावती म्हात्रे मॅडम ,संस्थेचे सचिव साईनाथ म्हात्रे , दिनेश म्हात्रे , गिता म्हात्रे मॅडम, केतकी म्हात्रे मॅडम हे संस्थेचे पदाधिकारी , केतकी म्हात्रे मॅडमचे वडिल दिनकर म्हात्रे तसेच आई रश्मी म्हात्रे तसेच माध्यमिक विभागाचे मुख्याध्यापक श्रीराम चौधरी व प्राथमिक विभागाचे मुख्याध्यापक अनिल भोईर सर तसेच श्री गणेश विघामंदिर सर्व प्राथमिक , माध्यमिक, उच्च माध्यमिक व माय मदर इंग्लिश स्कुल व बाल जिजाऊ संस्कार केंद्रांचे सर्व शिक्षक वृंद व पालक आणि त्यांची मुले, बाल कलाकार हे उपस्थित होते . प्रथमता कार्यक्रमाची सुरुवात सरस्वती पुजनाने झाली . त्यानंतर मुलींनी ईशस्तवन व स्वागत गीत पेटी व ढोलकी , डफ, खंजेरीच्या तालासुरात म्हटले व वातावरण प्रसन्न व आनंदमय केले . त्यानंतर स्टेजवर उपस्थित मान्यवरांचे संस्थेचे सचिव साईनाथ म्हात्रे तसेच मुख्याधापक अनिल भोईर सर यांच्या हस्ते पुष्पगुच्छ व शाल देऊन सत्कार करण्यात आला. कार्यक्रमाचे प्रास्ताविक मुख्याध्यापक अनिल भोईर सरांनी केले . तसेच सुत्रसंचालन पूनम मॅडम , इंद्रजित करटुले व रविंद्र मोंडुळे यांनी केले . कार्यक्रमाची सुरुवात धार्मिक गाणे यारे या गाण्याने दमदारपणे सुरुवात झाली . दुसऱ्या दिवशी शिवजयंती असल्यामुळे शिवजयंतीवर आधारीत सुद्धा गाणी घेण्यात आली होती . प्राथमिक विभागाची एकुण २४ गाणी मराठी गाणी, हिंदी गाणी, देशभक्तीपर आधारीत गाणी, वारली शेतकरी नृत्य , आताचे शैक्षणिक धोरण , देशाच्या रक्षणासाठी सज्ज असलेली फौज यावर आधारीत गाणे, भुताटकीचे गाणे , जंगली आधारीत मोगली गाणे तसेच परंपरांगत चालत आलेले लोकनृत्य , लावण्या असे अनेक गाण्यांवर लहान लहान बाल कलाकार चांगल्या प्रकारे एकास एक सादरीकरण करत होते . त्यामागे मुलांची विशेष मेहनत त्यांच्या पाठीमागे असलेली शिक्षकांची मेहनत व पालकांचे विशेष सहकार्य जाणवत होते . प्रत्येक गाण्यांना पालकांकडून तसेच प्रेक्षक वर्गाकडून टाळ्यांचा चांगला उत्तम प्रतिसाद मिळत होता . कलाकारांसाठी नास्त्याची सोय करण्यातआली होती . डीजे सिस्टीम चांगल्या प्रकारे करण्यात आली होती .प्रत्येक गाण्याला फटाक्यांची आतिषबाजू ऐकायला मिळत होती . या कार्यक्रमाला प्रमुख उपस्थिती म्हणून रवि पाटील डोंबिवली, चेतन पाटील दिवा, सुमित भोईर, अभिषेक ठाकुर, रमेश म्हात्रे, सत्संग परिवार यांनी विशेष भेट देवून कार्यक्रमाला शोभा आणली . शेवटच्या क्षणापर्यंत पालकवर्ग जागेवरून हलले नाहीत त्यांचे विशेष सहकार्य लाभले . शेवटी सर्व शाळेचे प्राथमिक, माध्यमिक, उच्च माध्यमिक, माय मदर इंग्लिश मिडियचे तसेच बाल जिजाऊ संस्कार केंद्राचे सर्व शिक्षकांचे संस्थेचे पदाधिकारी यांच्याकडुन पुष्पगुच्छ देऊन यथोश्चित सत्कार करण्यात आला . व कार्यक्रमाचा समारोप वंदे मातरम या गिताने करण्यात आला .