योगाभ्यासासोबत स्नेहबंधही झाले अधिक दृढ; महिला सदस्यांचा उत्स्फूर्त सहभाग
स्टार भारत लाईव्ह एक्सप्रेस
रावेर ता प्रतिनिधी विकास आमोदकर
रावेर येथील आरोग्यम् योगा क्लासेसचे स्नेहसंमेलन १७ सप्टेंबर रोजी उत्साहपूर्ण आणि आनंदी वातावरणात संपन्न झाले. योगाभ्यासाच्या माध्यमातून एकत्र आलेल्या महिला सदस्यांनी या स्नेहसंमेलनाच्या निमित्ताने दैनंदिन धावपळीपासून काही क्षण दूर राहत आनंदाचे क्षण अनुभवले.
कार्यक्रमादरम्यान हास्य-विनोद, मनमोकळ्या गप्पा आणि आपुलकीच्या संवादामुळे वातावरणात उत्साह निर्माण झाला. योगामुळे निरोगी शरीरासोबतच सकारात्मक विचार आणि परस्परांतील स्नेह वाढतो, याची अनुभूती या कार्यक्रमातून उपस्थितांना आली.
या स्नेहसंमेलनाला सौ. अर्चना पाटील, सौ. निता विजयवर्गीय, सौ. ज्योती महाजन, सौ. कविता पाटील, सौ. ज्योती सोळंकी, सौ. किरण महाजन, सौ. मेघा कासार, सौ. प्रियंका महाजन, सौ. सविता महाजन, सौ. स्नेहा बोधकर, सौ. रुपाली सोनार, सौ. वर्षा भावसार, सौ. मनीषा चौधरी, सौ. दिपाली चौधरी, सौ. शालिनी महाजन, सौ. रंजना बोधकर, सौ. कल्याणी पाटील, सौ. ललिता महाजन, सौ. सुनीता पाटील आणि सौ. ममता महाजन यांची उपस्थिती लाभली.
कार्यक्रमाचे सूत्रसंचालन सौ. किरण महाजन यांनी केले. त्यांच्या प्रभावी आणि प्रसन्न सूत्रसंचालनामुळे कार्यक्रमात विशेष रंगत आली.
स्नेहसंमेलनाचे नियोजन आरोग्यम् योगा क्लासेसच्या योगशिक्षिका सौ. सविता सुरज चौधरी यांनी केले होते. उत्तम नियोजन आणि सर्व महिला सदस्यांचा उत्स्फूर्त सहभाग यामुळे कार्यक्रम यशस्वीपणे पार पडला.
योगाभ्यास हा केवळ शारीरिक आरोग्यासाठी नसून मानसिक प्रसन्नता आणि सामाजिक स्नेह वाढविण्याचे प्रभावी माध्यम असल्याचे या कार्यक्रमातून अधोरेखित झाले. उपस्थित महिलांनी कार्यक्रमाचा मनमुराद आनंद घेतला.
“निरोगी शरीर… प्रसन्न मन… आणि स्नेहाने जोडलेली मने!”
आरोग्यम् योगा क्लासेस, रावेर
