स्टार भारत लाईव्ह एक्सप्रेस
प्रतिनिधी – शंकर शिवरकर
बुलढाणा, दि. १ : बुलढाणा जिल्हा कारागृहातील बंद्यांच्या मानसिक परिवर्तनासाठी जीवनविद्या मिशनच्या माध्यमातून विविध प्रशासकीय व सामाजिक उपक्रम राबविण्यात येत आहेत. कारागृहातील बंदी आपल्या नातेवाईकांपासून दूर असल्याने त्यांना रक्षाबंधनाची उणीव भासू नये तसेच त्यांच्या मनात आनंदाचे व खेळीमेळीचे वातावरण निर्माण व्हावे, या उद्देशाने २८ ऑगस्ट रोजी रक्षाबंधन कार्यक्रमाचे आयोजन करण्यात आले.
जीवनविद्या मिशनच्या सदस्यांनी कारागृहातील सर्व बंदी तसेच कर्मचाऱ्यांना राखी बांधून रक्षाबंधनाचा स्नेहबंध जपला. या उपक्रमामुळे बंद्यांमध्ये आपुलकीची भावना निर्माण होऊन सकारात्मक वातावरण तयार झाले. कार्यक्रमास कारागृह अधीक्षक मेधा बाहेकर, तुरुंगाधिकारी उमेश नाईक तसेच जीवनविद्या मिशनच्या भुपाली तायडे, मंगला अनासने, मिनाक्षी बंड, गजानन उमाळे व संदीप तायडे उपस्थित होते.
कार्यक्रमाच्या यशस्वी आयोजनासाठी सुभेदार दरेसिंग चव्हाण, हवालदार संजय मदरकर, कारागृह शिपाई राहुल पवार, आनंद पवार, दीपक वाघ यांच्यासह कारागृहातील इतर कर्मचाऱ्यांनी सहकार्य केले.
