आजी-माजी सैनिक संघटनेच्या वतीने तेल्हारा शहरात कारगिल विजय दिवस उत्साहात साजरा ! शहिदांना श्रद्धांजली , वीर पत्नी व युद्धातील माजी सैनिकाचा संघटनेच्या वतीने सन्मान! विजय घोडे अकोला जिल्हा प्रतिनिधी स्टार भारत लाईव्ह एक्सप्रेस

तेल्हारा |
तेल्हारा शहरात भागवत मंगल कार्यालय येथे दरवर्षीप्रमाणे याही वर्षी शनिवार दि.२६ जुलै २०२५ रोजी कारगिल विजय दिवस तेल्हारा तालुका आजी-माजी सैनिक संघटने च्या वतीने साजरा करण्यात आला. सर्वप्रथम कार्यक्रमाची सुरुवात तेल्हारा विश्रामगृहापासून रॅलीचे आयोजन करण्यात आले होते. भारतरत्न डॉ. बाबासाहेब आंबेडकर उद्यान , येथे भगवान गौतम बुद्ध महात्मा ज्योतिराव फुले व डॉक्टर बाबासाहेब आंबेडकर तसेच
शहीद स्मारक व छत्रपती शिवाजी महाराज यांच्या पुतळ्याला वीर पत्नीकडून हारार्पण करण्यात आले .
श्री अनंतराव भागवत मंगल कार्यालय येथे भव्य सभेचे आयोजन करण्यात आले .यामध्ये सर्व आजी-माजी सैनिक परिवार ,सामाजिक राजकीय पदाधिकारी , शिक्षक वृंद , विद्यार्थी व पत्रकार मोठ्या संख्येने उपस्थित होते.
मंचकावर कारगिल युद्धातील शहीद बाजीराव रौंदळ यांच्या धर्मपत्नी कल्पनाताई बाजीराव रोड राहणार नाशिक व शहीद भानुदास बेडिसकर यांच्या धर्मपत्नी सरला ताई भानुदास बेडीसकार आणि १९६५ व १९७१ युद्धातील जवान लालाजी देशमुख , पी.एस.आय. कापसे साहेब पोलीस स्टेशन तेल्हारा , स्वामी विवेकानंद ज्ञानपीठ प्राचार्य सौ.भागवत मॅडम, गुरुकुल ज्ञानपीठ प्राचार्य सौ. पारस्कर मॅडम व आजी-माजी सैनिक संघटनेचे उपाध्यक्ष श्री बाळकृष्ण बोदळे उपस्थित
होते.
याप्रसंगी श्री पाटील सर विद्यार्थी भावेश धर्मेश चौधरी , श्री विकास पवार यांचा सत्कार करण्यात आला, कार्यक्रमात कु.दातकर ,कु.बोदळे ,कु. दुगाने यांनी उत्कृष्ट देशभक्तीपर गीत गायन केले .सौ. भागवत मॅडम सौ.पारसकर मॅडम , श्री. गजानन पाथ्रीकर सर यांनी आपले विचार व्यक्त केले ,यावेळी स्वामी विवेकानंद ज्ञानपीठ , सेठ बन्सीधर विद्यालय ,श्री. शिवाजी विद्यालयाचे विद्यार्थी उपस्थित होते .
कार्यक्रम च्या यशस्वीते करता सर्व आजी-माजी सैनिक परिवार व विद्यार्थी यांनी विशेष प्रयत्न केले . याप्रसंगी कार्यक्रमाला उपस्थित सर्वांकरिता उत्कृष्ट स्नेहभोजनाची व्यवस्था आजी- माजी सैनिक संघटनेच्या वतीने करण्यात आली होती. कार्यक्रमामध्ये उत्कृष्ट सूत्रसंचालन माजी सैनिक पांडुरंग खुमकर व आभार प्रदर्शन माजी सैनिक दिनेश माकोडे यांनी केले, व कार्यक्रमाची सांगता राष्ट्रगीताने करण्यात आली.