नेवरे – ( शहापुर ) सचिन शेलवले दिनांक १४/ ६ / २०२४ रोजी दुपारी ठिक 3.30 वाजता मौजे नेवरे येथे शेतकरी संवाद मेळावा आयोजित करण्यात आला होता . या मेळाव्यात प्रमुख पाहुणे म्हणून शेतकऱ्यांशी संवाद साधण्यासाठी चेन्नईचे लेस्ली स्टिव्हन worldwide technology हे उपस्थित होते तसेच ग्रीन यात्रा फाऊन्डेशन चे अध्यक्ष प्रशांत पाटील सर हे सुद्धा उपस्थित होते . कार्यक्रमाचे आयोजन सचिन शेलवले व देविदास भोईर यांनी केले होते . वृक्षवल्ली आम्हा सोयरी वनचरे , पक्षी ही सुस्वरे आळविती या तुकारामांच्या अभंगाप्रमाणे झाडे ही आपले मित्र आहेत . प्रत्येकानी एक तरी झाड लावले पाहिजे व जगवली पाहिजेत . दरवर्षी तापमानात वाढ होत आहे . झाडे कमी होऊ लागली आहेत . ऑक्सीजनचा साठा कमी होऊ लागला आहे . त्यामुळे प्रत्येक शेतकऱ्याने आपल्या अवतीभवती झाडे लावली पाहिजेत . ग्रीन यात्रा फाऊन्डेशन संस्था दरवर्षी प्रत्येक विभागात जाऊन प्रत्येक शेतकऱ्याला मोफत झाडे वाटप करते . यामध्ये प्रामुख्याने केशर आंबा, चिकू, फणस, जांभुळ, काजू, कडुलिबू, पेरू, मुँह, इतर अशा नाना प्रकारची झाडे वाटप करण्यात येत असतात. जेणेकरून पर्यावरणाचा समतोल राखला जाईल . ऑक्सीजनचा साठा मुबलक होईल . वाढत्या तापमानात घट होईल . यासाठी यावर्षी सुद्धा ही संस्था मोफत झाडे वाटप शेतकऱ्यांना करणार आहेत . यासाठी खास करून शेतकऱ्याशी संवाद साधण्यासाठी चेन्नईवरून प्रमुख पाहुणे म्हणून लेस्ली स्टिवन यांनी विशेष उपस्थिती दर्शविली . तसेच त्यांचे संवाद ऐकण्यासाठी पंचक्रोशीतील शेतकरी मित्र तसेच महिला यांनी चांगला प्रतिसाद दिला . जवजवळ चाळीस शेतकऱ्यांनी आपली नोंदणी करून आम्ही यावर्षी झाडे लावू आणि जगवू अशी संमती दर्शविली . प्रशांत पाटील सरांनी सुद्धा ग्रीन यात्रा संस्थेचे कार्य थोडक्यात विशद केले . त्यानंतर महिला मिना बोंबे यांनीही झाडांविषयी थोडक्यात मनोगत व्यक्त केले . त्यानंतर सर्वांचे आभार माणून कार्यक्रमाचा समारोप करण्यात आला .
