श्री पूर्णेश्वर महादेव मंदिर द्वितीय वर्धापन दिनानिमित्त महाप्रसाद; मुक्ताईनगरात भाविकांचा उत्स्फूर्त सहभाग
श्री पूर्णेश्वर महादेव मंदिर द्वितीय वर्धापन दिनानिमित्त महाप्रसाद; मुक्ताईनगरात भाविकांचा उत्स्फूर्त सहभाग
मुक्ताईनगर | प्रतिनिधी
रावेर लोकसभा मतदारसंघांतर्गत मुक्ताईनगर येथील श्री सिद्धेश्वर हनुमान मंदिर परिसरात असलेल्या श्री पूर्णेश्वर महादेव मंदिराच्या द्वितीय वर्धापन दिनानिमित्त भव्य महाप्रसाद कार्यक्रमाचे आयोजन करण्यात आले होते. या धार्मिक व सामाजिक कार्यक्रमास मोठ्या संख्येने भाविकांनी उपस्थिती लावून महादेवाच्या दर्शनाचा लाभ घेतला.
या प्रसंगी मान्यवरांनी मंदिरात विधिवत दर्शन घेत भाविकांच्या सुख-समृद्धीसाठी प्रार्थना केली. त्यानंतर आयोजित करण्यात आलेल्या महाप्रसाद कार्यक्रमात नागरिक, भाविक, महिला, युवक मोठ्या संख्येने सहभागी झाले होते.
कार्यक्रमादरम्यान उपस्थित मान्यवरांनी भाविक व स्थानिक नागरिकांशी मनमोकळा संवाद साधत त्यांच्या अडचणी, अपेक्षा व सामाजिक विषयांवर चर्चा केली. धार्मिक कार्यक्रमाच्या निमित्ताने सामाजिक सलोखा, भक्तीभाव व एकोप्याचे दर्शन घडल्याची भावना उपस्थितांनी व्यक्त केली.
मंदिर समिती व आयोजकांच्या वतीने कार्यक्रमाचे नियोजन अत्यंत शिस्तबद्ध व भक्तिभावपूर्ण वातावरणात करण्यात आले. महाप्रसाद व्यवस्थापन, स्वच्छता व सोयीसुविधांबाबत नागरिकांनी समाधान व्यक्त केले.
