मलकापूर शहरातील प्रतिष्ठित स्कूल ऑफ स्कॉलर्स विद्यालयामध्ये दोन दिवसीय स्नेहसंमेलन उत्साहात संपन्न

मलकापूर प्रतिनिधी . २७ व २८ डिसेंबर २०२४ या दिवशी मलकापूर शहरातील स्व. श्री. सरदारमलजी मोहनलालजी संचेती एज्युकेशनल & मल्टिपर्पज फाउंडेशन द्वारा संचालित ‘स्कूल ऑफ स्कॉलर्स, CBSE मलकापूर’ येथे दोन दिवसीय ‘पंचतत्त्व २०२४-२५’ या स्नेहसंमेलनाचे मोठ्या उत्साहात आयोजन करण्यात आले. या सांस्कृतिक कार्यक्रमास प्रमुख पाहुणे म्हणून मलकापूर नांदुरा विधानसभेचे आमदार आ. चैनसुखजी संचेती, आ. दामोदरदासजी लखानी सर (मलकापूर नगर संघसंचालक), आ. नारायणजी फाळके (गट शिक्षण अधिकारी), संस्थेच्या सह संचालिका आ. गं. भा. शांतादेवी संचेती मॅम, अखील भारतीय जैन महिला कॉन्फरन्सच्या अध्यक्षा आ. बसंतीताई संचेती, सामाजिक कार्यकर्त्या उज्वालाताई संचेती, नांदुरा येथील श्री. वर्धमान जैन एज्युकेशनल & रिसर्च मल्टिपर्पज फाउंडेशनच्या संचालिका आ. मीनाताई झांबड, जनक्रांती फाउंडेशनच्या अध्यक्षा आ. कोमलताई तायडे, स्व. श्री. सरदारमलजी मोहनलालजी संचेती एज्युकेशनल & मल्टिपर्पज फाउंडेशनचे अध्यक्ष आ. श्री. उल्हास कुमारजी संचेती सर, श्री. विमालकुमारजी संचेती (स्व. श्री. सरदारमलजी मोहनलालजी संचेती एज्युकेशनल & मल्टिपर्पज फाउंडेशनचे संचालक), श्री. अमर कुमारजी संचेती सर (स्व. श्री. सरदारमलजी मोहनलालजी संचेती एज्युकेशनल & मल्टिपर्पज फाउंडेशनचे सचिव), संचालिका आ. सरलाताई संचेती मॅम, आ. पंकजाताई संचेती मॅम, आ. ममताताई संचेती मॅम, संचालक मंडळातील सदस्य आ. लोकेश संचेती सर, आ. संतोष सेठ संचेती सर, शाळेच्या मुख्याध्यापिका मा. प्रो. डॉ. सुदीप्ता सरकार मॅम व इतर मान्यवर उपस्थित होते.

हा दोन दिवसीय रंगारंग कार्यक्रम ‘पंचतत्त्व’ या थीम वर आधारित होता, या कार्यक्रमात शाळेतील नर्सरी वर्गापासून ते इयत्ता १०वी वर्गाच्या एकूण ९०० पेक्षा जास्त विद्यार्थ्यांनी सहभाग घेतला त्याच बरोबर पालक वर्गाने देखील गीत गायन आणि नृत्य स्पर्धेत सहभाग घेतला होता, ही सर्व स्पर्धा विवेकानंद हाऊस, गांधी हाऊस, टागोर हाऊस आणि छ. शिवाजी महाराज हाऊस या चार गटात विभागलेली होती. यात नृत्य, गीत गायन, हास्य नाटिका व इ. कलांचे सादरीकरण करण्यात आले. या स्पर्धेचे परीक्षक म्हणून आ. सोनिया परयानी, आ. भूमी वादवानी, आ. अनुसया पाचपांडे आ. लवली नैनानी आणि आ. श्याम कपले यांनी काम पाहिले.

या सोहळ्यानिमित्त शाळेतील विशेष यश संपादन केलेल्या विद्यार्थ्यांचे तसेच विशेष प्रविण्यासह उत्तीर्ण झालेले विद्यार्थ्यांचा व शाळेतील विशेष कामगिरी बजावणाऱ्या शिक्षक व शिक्षकेतर कर्मचाऱ्यांचा मान्यवरांच्या हस्ते सत्कार करण्यात आला.

या सर्व कार्यक्रमाचे सूत्र संचालन शाळेतील शिक्षक श्री. सचिन न्हावकर, श्री. गणेश तायडे, सौ. मोनिका भोजने व प्रीती सरोकार यांनी केले व आभार प्रदर्शन शाळेच्या मुख्याध्यापिका प्रो. डॉ. सुदिप्ता सरकार यांनी केले. तसेच हा दोन दिवसीय सोहळा यशस्वीरीत्या संपन्न करण्यासाठी संस्थेचे संचालक मंडळाचे मार्गदर्शन व सहकार्य लाभले तसेच शाळेतील सर्व शिक्षक व शिक्षकेतर कर्मचारी यांनी मोलाचे परिश्रम घेतले.