बीडच्या माजलगाव येथील टोळी कडून मलकापुर शहरात 14 वर्षीय मुलगी आणि तीन शालेय मुलांचे अपहरण; बोरखेडी पोलिसांच्या तत्परतेने अपहरणचा प्रयत्न फसला !
मलकापूर :- शहरात आज सकाळी घडलेल्या धक्कादायक घटनेनं पालक वर्गात भीतीचं वातावरण निर्माण झालं आहे. गांधी चौक परिसरातून 14 वर्षीय मुलगी आणि तीन शालेय मुलांचं अपहरण करण्याचा प्रयत्न झाल्याची माहिती पोलीस सूत्रांनी दिली आहे. लाल रंगाच्या स्विफ्ट डिझायर कारमधून या मुलांना पळवण्याचा प्रयत्न करण्यात आला होता. मात्र, बोरखेडी पोलिसांच्या तत्परतेमुळे ही कार थांबवण्यात आली आणि संभाव्य मोठा अनर्थ टळला. अपहरणातून सुटलेली मुलगी घाबरलेल्या अवस्थेत असून तिच्यावर स्थानिक दवाखान्यात उपचार सुरू आहेत.
दरम्यान, प्राथमिक चौकशीत अपहरणप्रयत्नात सहभागी असलेली टोळी तीन जणांची असून ते बीड जिल्ह्यातील माजलगाव येथील असल्याचे स्पष्ट झाले आहे. या तिघांकडून पोलिसांकडून कसून चौकशी सुरू असून अपहरणाचा हेतू उघडकीस येण्याची शक्यता आहे.
मलकापूर शहर पोलीस व बोरखेडी पोलिसांची संयुक्त पथक कारवाई करत असून, काही वेळेत आरोपींना शहर पोलीस ठाण्यात आणण्यात येणार असल्याची माहिती पोलीस सूत्रांकडून देण्यात आली आह.
