मुस्लीम समाजाच्या भावना दुखावणारी पोस्ट इंस्टाग्राम वर टाकल्याने अज्ञात इसमाविरुद्ध काय कार्यवाही आहे.
मुस्लीम समाजाच्या भावना दुखावणारी पोस्ट इंस्टाग्राम वर टाकल्याने अज्ञात इसमाविरुद्ध गुन्हा दाखल . खोटी आय डी तयार करून आक्षेपार्ह फोटो व मजकुर केला अपलोड ठाणेदार आव्हाळे यांच्या आश्वासनाने संतप्त मुस्लीम समाज बांधवांनी दाखला संयमवाशिम जिल्हा प्रतिनिधीअजय गायकवाडवाशिम /मालेगाव जातीय तेढ निर्माण होईल व धार्मिक भावना दुखावतील अशा प्रकारचे फोटो व मजकूर सोशियल मीडियावर प्रसारित करणाऱ्या अज्ञात इसमा विरुद्ध मालेगाव पोलिसांनी २ मार्च रोजी रात्री साडे अकरा वाजताचे सुमारास सदर गुन्हा दाखल केला आहे . मोहम्मद मुस्सवीर शेख मुजीब वय २३ वर्ष राहणार गांधीनगर मालेगाव यांनी दिलेल्या फिर्यादीनुसार कोणीतरी अज्ञात व्यक्तीने त्याचे स्वतःचे इंस्टाग्राम अकाउंट वर खोटी आयडी तयार करून जातीय तेढ निर्माण होईल व धार्मिक भावना दुखावतील अशा प्रकारे मुस्लिम समाजाच्या धार्मिक भावना दुखावणारे अल्लाचे फोटो व अल्ला बाबत आक्षेपार्ह मजकूर सोशल मीडियावर प्रसारित केला . त्यामुळे मुस्लीम बांधवांमधे तिव्र संताप व्यक्त केला जात आहे . ज्या अज्ञात इसमाने मुस्लिम समाजाच्या धार्मिक भावना दुखावणाऱ्या पोस्ट इंस्टाग्राम या सोशल मीडियावर ॲप करून प्रसारित केल्या . त्या पोस्टचे स्क्रीनशॉट काढून ते पुढील कार्यवाही करीता सदर फिर्यादी सोबत जोडून पोलीस स्टेशनला देण्यात आले आहेत . . सदर प्रकरणी अज्ञात ईसमाविरुद्ध कलम १५३ अ , २९५ अ भा दं वि नुसार गुन्हा दाखल करण्यात आला असून पुढील तपास ठाणेदार दत्तात्रय आव्हाळे हे करीत आहेत . या घटनेमुळे मुस्लीम समाजात संतापाची लाट उसळली असून त्वरित सदर आरोपी नराधमाचा शोध घेऊन त्याचेवर कडक कारवाई करण्याची मागणी मुस्लीम बांधवांनी केली आहे . या मागणी साठी २ मार्च चे रात्री ११ वाजताचे सुमारास शहरातील शेकडो मुस्लीम बांधव पोलीस स्टेशनमधे जमा झाले.
