बुलढाणा येथील स्थावर मालमत्तेबाबत जाहीर नोटीस; हक्क, बोजा व दाव्यांवर हरकती मागविल्या
दि. 26,08,2026
बुलढाणा : स्थावर मालमत्ता गहाण ठेवून कर्ज घेण्याच्या प्रस्तावित व्यवहारापूर्वी संबंधित हक्कधारकांकडून हरकती मागविण्यात आल्या आहेत. चंद्रकला देविदास जाधव यांच्या मालमत्तेबाबत आय.सी.आय.सी.आय. बँक, अकोला शाखेकडून कर्ज घेण्याची प्रक्रिया प्रस्तावित असून, त्यासाठी मालमत्ता बँकेकडे तारण ठेवण्यात येणार असल्याची माहिती जाहीर नोटिशीद्वारे देण्यात आली आहे.
बुलढाणा नगरपालिका हद्दीतील जुना वार्ड क्र. २१, सुधारित वार्ड क्र. २८ मधील सर्वे नं. ७/१ येथील प्लॉट क्र. ५६ मधील प्लॉट क्र. ५६ अ, क्षेत्रफळ १,५०० चौ.फुट अर्थात १३९.४० चौ.मीटर, ही संबंधित मालमत्ता असल्याचे नोटिशीत नमूद आहे.
सदर मालमत्तेबाबत मालकी हक्क, हिस्सा, ताबा, गहाण, बोजा, लीज, भाडेपट्टा, करार, अतिक्रमण, न्यायालयीन प्रकरण, जप्ती, वारसाहक्क किंवा अन्य कोणताही दावा अथवा हितसंबंध असल्यास संबंधितांनी त्याचे पुरावे सादर करून लेखी हरकत नोंदवावी, असे आवाहन करण्यात आले आहे.
२६ ऑगस्ट २०२६ पासून १५ दिवसांची मुदत देण्यात आली असून, या कालावधीत हरकत नोंदविली नाही तर कोणताही दावा अथवा हरकत नसल्याचे गृहीत धरून गहाण व्यवहाराची पुढील प्रक्रिया करण्यात येणार असल्याचे नोटिशीत स्पष्ट करण्यात आले आहे.
मालमत्तेवरील संभाव्य हक्क, बोजे अथवा न्यायालयीन वाद वेळेत समोर यावेत आणि भविष्यातील कायदेशीर गुंतागुंत टाळता यावी, या दृष्टीने ही जाहीर नोटीस प्रसिद्ध करण्यात आली आहे. त्यामुळे संबंधित व्यक्तींनी निर्धारित मुदतीत आवश्यक कागदपत्रांसह आपली बाजू मांडणे महत्त्वाचे ठरणार आहे.
