‘ भीमस्मृति यात्रा ‘ एक उर्जा स्त्रोत : जयसिंग वाघ
::::::::::::::::::::::::::::::::::::::::::::::::::::::::::::::::::::
धुळे :- धुळे येथील लांडोर बंगला येथे १९९१ पासून दरवर्षी ३१ जुलै रोजी ‘ भीमस्मृति यात्रा ‘ संपन्न होत आहे , या निमित्त राज्यभरातून हजारो लोक इथ एकत्र येतात , वेगवेगळे प्रबोधनपर कार्यक्रम घेतात , मोठ्याप्रमाणात पुस्तकांचे दुकाने लागतात , विविध गावांमधून वाजत गाजत मिरवणूका येतात , माहेरवाशिण महिला आपल्या माहेरी येतात या व इतर घटनांनी ही यात्रा आंबेडकरी चळवळीतिल कार्यकर्त्यांना नवी प्रेरणा , नवी दिशा देते म्हणूनच धुळे येथील भीमस्मृति यात्रा एक ऊर्जास्रोत आहे असे प्रतिपादन प्रसिद्ध साहित्तिक व विचारवंत जयसिंग वाघ यांनी केले .
धुळे येथील लांडोर बंगल्यावर भीमस्मृति यात्रे निमित्त आयोजित मार्गदर्शनपर कार्यक्रमात वाघ बोलत होते .
जयसिंग वाघ यांनी आपल्या विस्तृत भाषणात डॉ. बाबासाहेब आंबेडकर यांच्या धुळे भेटी विषई तसेच लांडोर बंगल्यावरील मुक्कामा विषई , पोळ्या च्या सणा निमित्त झालेला वाद , त्या वादा विषई बाबासाहेबांनी न्यायालयात मांडलेली बाजू , जनतेला जाहीर सभेतुन केलेले मार्गदर्शन , जनतेने केलेले स्वागत , बाबासाहेबांनी धुळे शहरातील विविध ठिकाणी दिलेल्या भेटी , बस स्टैंड मागील रेस्ट हाउस मधील निवास या बाबतही माहिती दिली .
कार्यक्रमाचे सूत्रसंचालन अशोक
सैंदाणे यांनी केले , प्रास्ताविक डॉ. उल्हास तासखेडकर यांनी तर आभार प्रदर्शन नथु अहिरे यांनी केले , विशाल सालुंखे यांनी परिचय करुन दिला . संयोजक दिलीप तासखेडकर यांनी आपली भूमिका विशद केली .
सुरवातीस डॉ. बाबासाहेब आंबेडकर यांच्या प्रतिमेचे पूजन करण्यात आले . कार्यक्रमास मोठ्या संखेने लोक हजर होते .
