२० वर्षांनंतर भारत-ऑस्ट्रेलियामध्ये वर्ल्डकप फायनल, जाणून घ्या विजेतेपदाच्या सामन्याची तारीख, ठिकाण, वेळ आणि संपूर्ण संघ

Admin November 19, 2023

0 17 1 minute read

संपादकीय

: वनडे विश्वचषक २०२३ अंतिम टप्प्यावर येऊन ठेपला आहे. यंदाच्या फायनलचे २ अंतिम संघ निश्चित झले असून भारत आणि ऑस्ट्रेलिया यांच्यात विश्वविजेता होण्याची स्पर्धा रंगणार आहे. विक्रमी पाचवेळा वर्ल्ड चॅम्पियन ऑस्ट्रेलियाने गुरुवारी रात्री कोलकाता येथील ईडन गार्डन्स स्टेडियमवर कमी गुणांच्या उपांत्य सामन्यात दक्षिण आफ्रिकेवर रोमहर्षक विजय नोंदवला. म्हणजेच २०२३ च्या विश्वचषकाचा अंतिम सामना भारत आणि ऑस्ट्रेलिया यांच्यात होणार आहे. २००३ च्या विश्वचषकानंतर दोन्ही संघ पुन्हा एकदा अंतिम फेरीत भिडतील. अशा स्थितीत भारताला अहमदाबादमध्ये जोहान्सबर्गमधील २० वर्ष जुन्या विजेतेपदाच्या पराभवाचा बदला घ्यायचा आहे.

२००३ विश्वचषक स्पर्धेत, ऑस्ट्रेलियाने भारताचा गट टप्प्यात पराभव केला आणि त्यानंतर संपूर्ण स्पर्धेत अपराजित राहिले आणि अंतिम फेरीत भारताचा पराभव केला. आता २०२३ च्या विश्वचषकात टीम इंडियाने साखळी टप्प्यात ऑस्ट्रेलियाचा पराभव केला आणि संपूर्ण स्पर्धेत एकही सामना गमावला नाही. आता अंतिम फेरीत ऑस्ट्रेलियाला पराभूत करून तिसरा विश्वचषक जिंकण्याची भारताला आशा आहे.
दिनांक: १९ नोव्हेंबर २०२३, रविवार
ठिकाण: नरेंद्र मोदी स्टेडियम, अहमदाबाद
वेळ: दुपारी २ वाजता
नाणेफेक: दुपारी १.३० मिनिटांनी
विश्वचषकात: भारत-अपराजित, ऑस्ट्रेलिया- ९ पैकी ७ विजय
स्पोर्ट्स चॅनेल: स्टार स्पोर्ट्स
लाइव्ह स्ट्रीमिंग: डिस्नी प्लस हॉटस्टार

दोन्ही संघांचे खेळाडू

भारत-
रोहित शर्मा (कर्णधार), शुभमन गिल, विराट कोहली, श्रेयस अय्यर, केएल राहुल, इशान किशन, सूर्यकुमार यादव, रवींद्र जडेजा, शार्दुल ठाकूर, जसप्रीत बुमराह, मोहम्मद सिराज, कुलदीप यादव, मोहम्मद शमी, रविचंद्रन अश्विन, प्रसिध्द कृष्णा

ऑस्ट्रेलिया-
पॅट कमिन्स (कर्णधार), डेव्हिड वॉर्नर, स्टीव्ह स्मिथ, ट्रॅव्हिस हेड, मिचेल मार्श, ग्लेन मॅक्सवेल, मार्नस लॅबुशेन, कॅमेरॉन ग्रीन, जोश हॅझलवूड, मार्कस स्टॉइनिस, अ‍ॅडम झाम्पा, जोश इंग्लिस, मिचेल स्टार्क, अ‍ॅलेक्स कॅरी आणि शॉन अ‍ॅबॉट.