धरणगाव येथे २९ वर्षीय युवकाची गळफास घेऊन आत्महत्या

धरणगाव (ता. मलकापूर): मलकापूर तालुक्यातील धरणगाव येथे २९ वर्षीय युवकाने गळफास घेऊन आत्महत्या केल्याची दुर्दैवी घटना घडली. या घटनेमुळे परिसरात हळहळ व्यक्त होत आहे.

मिळालेल्या माहितीनुसार, राम राजेंद्र नेरकर (वय २९, रा. धरणगाव) यांनी धरमाय परिसरातील एका विहिरीजवळ जाऊन तेथील लोखंडी रॉडला दोरी बांधून गळफास घेत आत्महत्या केली. हा प्रकार निदर्शनास आल्यानंतर परिसरातील नागरिकांनी तातडीने संबंधितांना माहिती दिली.

घटनेची माहिती मिळताच पोलिसांनी घटनास्थळी धाव घेत पंचनामा करून मृतदेह पुढील तपासासाठी रुग्णालयात पाठविला. आत्महत्येचे नेमके कारण अद्याप समजू शकले नसून, पोलिस या प्रकरणाचा अधिक तपास करत आहेत.

या घटनेमुळे धरणगाव परिसरात शोककळा पसरली आहे.