मुक्ताईनगरचा कमलाकर कापसे — जागतिक पातळीवर झळकलेला नाविन्याचा तेजोमय प्रकाश

स्टार भारत लाईव्ह एक्सप्रेस प्रतिनिधी

मुक्ताईनगर या छोट्याशा शहरातील तरुण संशोधक कमलाकर सदाशिव कापसे यांनी आपल्या बुद्धिमत्ता, चिकाटी आणि देशप्रेमाच्या जोरावर जागतिक स्तरावर भारताचे नाव उज्ज्वल केले आहे. युनायटेड किंगडमच्या इंटेलेक्च्युअल प्रॉपर्टी ऑफिसकडून मिळालेले “Financial Fraud Detecting Computer Device” या नाविन्यपूर्ण डिझाईनचे नोंदणी प्रमाणपत्र हे केवळ त्यांचे वैयक्तिक यश नाही, तर संपूर्ण देशासाठी प्रेरणादायी घटना आहे.

डिजिटल युगात ऑनलाइन फसवणुकीच्या घटनांनी नागरिकांच्या सुरक्षेला गंभीर आव्हान निर्माण केले आहे. या पार्श्वभूमीवर कापसे यांच्या या संशोधनाचा समाजहितार्थ महत्त्व अत्यंत मोठा आहे. फसवे दुवे, स्पॅम संदेश, स्कॅम कॉल्स आणि सोशल मीडियावरील हॅकिंग प्रयत्नांना आळा घालणारे हे उपकरण भविष्यातील सायबर सुरक्षा प्रणालीतील एक क्रांतिकारी पाऊल ठरू शकते.

श्री. कापसे यांनी व्यक्त केलेले उद्गार — “हा शोध लोकांना ऑनलाइन फसवणुकीपासून वाचवण्यास मदत करेल आणि सुरक्षित डिजिटल भारत घडविण्यास महत्त्वपूर्ण योगदान देईल,” — हे केवळ विधान नसून आधुनिक भारताच्या डिजिटल संरक्षणाचे ध्येय दर्शवणारे सूत्र आहे.

त्यांचे शैक्षणिक कार्यही तितकेच प्रशंसनीय आहे. वीसहून अधिक विद्यापीठीन पाठ्यपुस्तके तयार करून त्यांनी शिक्षण क्षेत्रात समृद्ध योगदान दिले आहे. अलीकडेच मिळालेला “गुणरत्न पुरस्कार” हा त्यांच्या शैक्षणिक, सामाजिक आणि संशोधन क्षेत्रातील सातत्यपूर्ण प्रयत्नांचा गौरव आहे.

आज ग्रामीण भागातील युवकाने आपल्या कल्पकतेच्या जोरावर यूके सरकारकडून मान्यता मिळवणे म्हणजे “मेहनतीला जागतिक ओळख मिळू शकते” याचे जिवंत उदाहरण आहे. अशा नवकल्पक संशोधकांना शासनाने प्रोत्साहन देणे, त्यांच्या संशोधनाला निधी आणि राष्ट्रीय स्तरावर व्यासपीठ उपलब्ध करून देणे, ही काळाची गरज आहे.

डिजिटल युगात सुरक्षेचे कवच तयार करणारा हा मराठी तरुण आजच्या भारताचा खरा “सायबर प्रहरी” आहे. मुक्ताईनगरच्या मातीतून उगवलेला हा तेजस्वी विचारवंत आपल्या प्रत्येक तरुणाला सांगतो —

“संधी दूर नाही, ती शोधण्याची तयारी आपल्यात असली पाहिजे.”