स्टार भारत लाईव्ह एक्सप्रेस
श्याम पहूरकर
शेगाव व खामगाव रस्त्यांवर वाहनांचा वाढता वेग आणि निष्काळजीपणे वाहन चालविण्याचा प्रकार पुन्हा एकदा धोक्याची घंटा ठरला आहे. खामगावकडे कामानिमित्त दुचाकीवरून जात असताना भरधाव वेगाने आलेल्या झुंदाई औरा कारने दुचाकीला मागून जोरदार घडक दिल्याची धक्कादायक घटना दि. २१ ऑगस्ट २०२६ रोजी सायंकाळी सुमारे ६.१५ वाजता झुडिओसमोर, शेगाव येथे घडली. या अपघातात दुचाकीचे अंदाजे पाच हजार रुपयांचे नुकसान झाल्याचे पोलिस तक्रारीत नमूद करण्यात आले आहे. मागून आलेल्या कारने दिली जोरदार धडक पोलिसांनी दिलेल्या माहितीनुसार, अनिल उर्फ आनंदा दगडू धारकर (वय ५२, रा. बोंडगाव, ता. शेगाव) हे आपल्या पुतण्यासोबत मोटारसायकलवरून खामगाव येथे कामानिमित्त जात होते. त्याचवेळी मागून आलेल्या सुंदाई औरा कार क्रमांक एमएच १५ जे डब्ल्यू ७२२९
शहर पोलीस स्टेशन
च्या चालकाने वाहन भरधाव वेगाने व निष्काळजीपणे चालवत त्यांच्या मोटारसायकलला मागून धडक दिल्याचा आरोप तक्रारीत करण्यात आला आहे. घडक इतकी जोरदार होती की, दुचाकीचे नुकसान झाले. अपघातानंतर फिर्यादीवर उपचार करण्यात आले. उपचार पूर्ण झाल्यानंतर दि. २३ ऑगस्ट रोजी रुग्णालयातून डिस्चार्ज मिळाल्यानंतर त्यांनी दि. २४ ऑगस्ट रोजी शेगाव शहर पोलिस ठाण्यात धाव घेत तक्रार दाखल केली. उपचारानंतर पोलिसांत तक्रार अपघातानंतर झालेल्या उपचारामुळे
तक्रार दाखल करण्यास विलंब झाल्याचे फिर्यादीने पोलिसांना सांगितले. रुग्णालयातून डिस्चार्ज मिळाल्यानंतर त्यांनी घडलेल्या घटनेची सविस्तर माहिती पोलिसांना देत संबंधित कारचालकाविरुद्ध कायदेशीर कारवाई करण्याची मागणी केली. फिर्यादीच्या तक्रारीवरून शेगाव शहर पोलिसांनी कायमी अप. नं. ५३५/२०२६ अन्वये भारतीय न्याय संहितेतील कलम २८१, १२५ (अ), १२५ (ब) व ३२४(४) अंतर्गत गुन्हा दाखल केला आहे.
नाशिकच्या कारचालकाविरुद्ध गुन्हा या प्रकरणातील कारचालक म्हणून चंद्रकांत निंबाजी जंजाळकर (वय ५२, रा. नाशिक) यांचे नाव तक्रारीत नमूद करण्यात आले आहे. पोलिसांनी घटनेची नोंद घेत पुढील तपास सुरू केला आहे. सदर गुन्हा मपोहेका चारुशिला गवई, ब. नं. १९४०, शेगाव शहर पोलिस ठाणे यांनी दाखल केला. तर या प्रकरणाचा पुढील तपास पोहेका निलेश गाडगे, ब. नं. २१८८ यांच्याकडे सोपविण्यात आला आहे.
अपघाताच्या तपासाकडे लक्ष अपघात नेमका कशामुळे झाला,
वाहनाचा वेग किती होता, कारचालकाचे वाहनावरील नियंत्रण का सुटले आणि अपघाताच्या परिस्थितीबाबत इतर कोणते घटक कारणीभूत होते, याचा तपास पोलिसांकडून करण्यात येत आहे. घटनास्थळाची पाहणी, वाहनांची स्थिती तसेच उपलब्ध पुरावे आणि संबंधित व्यक्तींचे जबाब याआधारे पुढील कारवाई केली जाण्याची शक्यता आहे. भरधाव वाहनांवर नियंत्रणाची गरज शेगाव शहरातील वर्दळीच्या मार्गावर वाहनांची संख्या दिवसेंदिवस वाढत असताना वेगावर नियंत्रण आणि वाहतूक नियमांचे पालन करणे अत्यंत गरजेचे बनले आहे. विशेषतः दुचाकीस्वारांच्या मागून वाहन चालविताना सुरक्षित अंतर न राखल्यास काही क्षणांत मोठा अपघात घडू शकतो. या घटनेने पुन्हा एकदा ‘वेगापेक्षा सुरक्षितता महत्त्वाची’ हा संदेश अधोरेखित केला आहे. दरम्यान, या अपघातातील नेमकी कारणमीमांसा आणि जबाबदारी निश्चित करण्यासाठी शेगाव शहर पोलिसांचा पुढील तपास सुरू आहे.
