बस स्थानकावर पाकिटमारांचा धमुकुळ घातला पोलीस चौकी बंद असल्यामुळे
स्टार भारत लाईव्ह एक्सप्रेस शेगाव प्रतिनिधी श्याम पहुरकर शेगाव येथील बस स्थानकावर पाकिट मारांचा सुळसुळाट सुटला असून ४ मार्च रोजी दुपारी पावणेतीनच्या सुमारास संग्रामपूर तालुक्यातील चोंडी येथील रहिवासी गोपाल मनोहर घारोड हे शेगाव वरून एसटी बसने आपल्या परिवारासह घरी जाण्यासाठी बस स्थानकावर बसमध्ये चढत असताना, घारोड यांच्या पँटच्या खिशातून तीस हजार रुपये चोरट्यांनी लंपास केले. घटना ४ मार्च रोजी शेगाव बस स्थानकावर घडली आहे.शेगाव बस स्थानकावर वारंवार पाकीटमारीच्या व मोबाईल चोरीच्या घटना सतत घडत आहेत. बस स्थानकावर पोलीस चौकी आहे, परंतु मागील दोन महिन्यापासून ही चौकी बंद असल्याचे शेगाव बस आगार कर्मचाऱ्यांनी सांगितले.काही दिवसापूर्वी पत्रकार संजय सोनोने यांच्या चोर खिशातून ९ हजार रूपये याच बस स्थानकावर बस मध्ये चढत असताना चोरट्याने लंपास केल्याची घटना घडली होती.
