देऊळगांव राजा येथे दोन गटात खुनी संघर्ष, दोघांचा जागीच मृत्यू; २० जण पोलिसांच्या ताब्यात!

परस्परविरोधी तक्रारी दाखल; दोन्ही बाजूंच्या व्यक्तींवर खुनासह विविध कलमांनुसार गुन्हे

स्टार भारत लाईव्ह एक्सप्रेस

प्रतिनिधी – शंकर शिवरकर

देऊळगाव राजा, दि. ६ : शहरातील एका कव्वाली कार्यक्रमातील वादाच्या पार्श्वभूमीवर सोमवारी, दि. ५ ऑक्टोबर रोजी रात्री दोन गटांमध्ये झालेल्या संघर्षात दोघांचा मृत्यू झाला. ही घटना प्रतापनगर-भोलेशहा दर्ग्याजवळील रस्त्यावर रात्री साडेसातच्या सुमारास घडल्याचे पोलिस नोंदीत नमूद आहे. या घटनेनंतर दोन्ही बाजूंकडून परस्परविरोधी तक्रारी दाखल झाल्या असून, दोन्ही प्रकरणांत खुनासह विविध कलमांनुसार गुन्हे नोंदविण्यात आले आहेत.

या घटनेत आसीफ ऊर्फ आरीफ हारून पठाण (वय 35) आणि शेख अनवर ऊर्फ अनु शेख अली (वय 42) यांचा मृत्यू झाला आहे. आसीफ ऊर्फ आरीफ हारून पठाण यांच्या मृत्यूच्या प्रकरणात गुन्हा क्रमांक 450/2026, तर शेख अनवर ऊर्फ अनु शेख अली यांच्या मृत्यूच्या प्रकरणात गुन्हा क्रमांक 451/2026 दाखल करण्यात आला आहे.

गुन्हा क्रमांक 450/2026 मध्ये शेख अतिक शेख उमर हे फिर्यादी आहेत. त्यांच्या तक्रारीनुसार,
आरोपी ,अन्नु माया उर्फ शेख अनवर अली ,शेख अकीब शेख पाशु ,शेख अल्ताप शेख पाशु ,अकबर बागवान इस्माईल बागवान ,शेख सलमान शेख उस्मान ,शेख फरीद शेख बिबन,शेख शाहरुख शेख मुक्तार ,इब्राहीम पठान अयुब पठान ,शेख अक्तर शेख अली ,अली खान कयुम खान ,शेख अबुजर शेख अनवर,कासीफ आलम कोटकर ,शेख अनिस शेख पाशु ,शेख मुजीब शेख अली ,शेख कौसर शेख अली असे सर्वजण दिसले व इतर अंदाजे 30 ते 40 इसम सर्व रा कबाडपुरा देउळगांवराजा,आरोपींसह अन्य 30 ते 40 अनोळखी व्यक्तींनी चाकू, कुऱ्हाड आणि लाकडी दांडके घेऊन एकत्र जमून हल्ला केल्याचा आरोप आहे. या हल्ल्यात आसीफ ऊर्फ आरीफ हारून पठाण यांना गंभीर मारहाण करून त्यांचा खून केल्याचा आरोप तक्रारीत करण्यात आला आहे. शेख अस्लम शेख युसुफ, वसीम खान कयुम खान यांच्यासह अन्य व्यक्ती जखमी झाल्याचेही तक्रारीत नमूद आहे.
या गुन्ह्यात 15 नामनिर्दिष्ट आरोपी आणि अन्य 30 ते 40 अनोळखी व्यक्तींचा उल्लेख आहे. गुन्हा 6 ऑक्टोबर रोजी पहाटे 1.56 वाजता दाखल करण्यात आला असून तपास पोलीस निरीक्षक ब्रह्मा गिरी करीत आहेत. या गुन्ह्यात भारतीय न्याय संहिता 2023 मधील कलम 103(2), 109, 333, 61(b), 189(4), 189(5), 190, 191(1), 191(3), 118(1), 115(2), 352, 351(2) आणि 351(3) लावण्यात आली आहेत.

दुसरीकडे, गुन्हा क्रमांक 451/2026 मध्ये शेख मुजाहिद शेख अली हे फिर्यादी आहेत. आरोपी – शाहरुखखान अहमदखान, सलमान खान अहमदखान, आसीफ ऊर्फ आरीफ हारुण पठाण,सय्यद मोबीन सय्यद आलम,सय्यद मुजम्मील सय्यद रहीम,अशपाक पठाण,सय्यद कलीम टकारी,शेख एजाज शेख उमर,शेख सादीक शेख उमर,शेख इमरान शेख उमर,शेख अनवर शेख उमर,राहतखान हयातखान,साहेलखान हसनखान,शाहीदखान हुसेनखान,अझहरखान कलीमखान, मोहमद अबुझर, मोहमद मुफीज,जावेदखान वाहेदखान, शेख अनिस शेख उमर, सय्यद मतीन सय्यद शेरु,एजाजखान उस्मानखान,सरफराजशहा दिलदारशहा, ,वसीम कयुमखान ,शेख अतिक शेख उमर, सय्यद नईम सय्यद रहीम व त्यांचे सोबत ईतर 10 ते 15 अनोळखी इसम ईतर सर्व,त्यांच्या तक्रारीनुसार, शेख अतिक शेख उमर आणि सय्यद नईम सय्यद रहीम यांनी कट रचून इतरांना एकत्र जमविल्याचा आरोप आहे. आरोपींनी काठ्या, चाकू आणि लोखंडी रॉड घेऊन हल्ला केल्याचा तसेच शेख अनवर ऊर्फ अनु यांना गंभीर मारहाण करून त्यांचा खून केल्याचा आरोप तक्रारीत करण्यात आला आहे. फिर्यादीसह अन्य व्यक्तींना मारहाण व जिवे मारण्याची धमकी दिल्याचेही नमूद आहे.
या गुन्ह्यात 24 नामनिर्दिष्ट आरोपी आणि अन्य 10 ते 15 अनोळखी व्यक्तींचा उल्लेख आहे. गुन्हा 6 ऑक्टोबर रोजी पहाटे 5.20 वाजता दाखल करण्यात आला असून तपास सहाय्यक पोलीस निरीक्षक सविता कुवारे करीत आहेत. या गुन्ह्यात भारतीय न्याय संहिता 2023 मधील कलम 103(2), 61(2), 118(1), 189(2), 189(4), 189(5), 190, 191(1), 191(3), 115(2), 352, 351(2) आणि 351(3) लावण्यात आली आहेत.

या दोन्ही FIR मधील नोंदीत एक महत्त्वाची बाब समोर येते. FIR क्रमांक 450/2026 चे फिर्यादी शेख अतिक शेख उमर हे FIR क्रमांक 451/2026 मध्ये आरोपी क्रमांक 23 म्हणून नमूद आहेत. तसेच FIR क्रमांक 451/2026 चे फिर्यादी शेख मुजाहिद शेख अली हे FIR क्रमांक 450/2026 मध्ये आरोपी म्हणून नमूद आहेत. याशिवाय FIR 450 मध्ये मृतक आसीफ ऊर्फ आरीफ हारून पठाण यांचे आरोपी म्हणून नाव आहे, तर FIR 451 मध्ये ते मृतक म्हणून नमूद आहेत. त्याचप्रमाणे FIR 450 मध्ये शेख अनवर ऊर्फ अनु यांचे आरोपी म्हणून नाव आहे, तर FIR 451 मध्ये त्यांचा मृतक म्हणून उल्लेख आहे.

त्यामुळे हे प्रकरण केवळ एका बाजूच्या तक्रारीवर आधारित नसून दोन्ही गटांकडून परस्परविरोधी आरोप करण्यात आलेले दुहेरी मृत्यूचे प्रकरण असल्याचे FIR मधील नोंदीवरून स्पष्ट होते. दोन्ही बाजूंनी एकमेकांविरुद्ध हल्ला, हत्यारांचा वापर आणि खुनाचे आरोप केले आहेत. या आरोपांची सत्यता तपासातून निश्चित होणे बाकी आहे.

प्राथमिक माहितीनुसार, रविवारी, दि. 4 ऑक्टोबर रोजी शहरातील कव्वाली कार्यक्रमात बसण्याच्या कारणावरून काही मुलांमध्ये वाद झाला होता. त्यानंतर हा वाद पुढे वाढल्याचे सांगण्यात येत आहे. मात्र, या वादातून 5 ऑक्टोबर रोजी नेमका घटनाक्रम कसा घडला, याची अधिकृत वस्तुस्थिती तपासातून स्पष्ट होणार आहे.

या घटनेच्या पार्श्वभूमीवर पोलिसांच्या प्रतिबंधात्मक कार्यपद्धतीबाबतही प्रश्न उपस्थित होत आहेत. दोन्ही गटांमध्ये तणावाची माहिती पोलिसांना होती का, संभाव्य संघर्ष टाळण्यासाठी प्रतिबंधात्मक उपाययोजना करण्यात आल्या होत्या का आणि घटना घडण्यापूर्वी संबंधित व्यक्तींवर कोणती कारवाई करण्यात आली होती, याचीही पडताळणी होणे आवश्यक आहे.

तक्रारींमध्ये चाकू, कुऱ्हाड, लोखंडी रॉड आणि लाकडी दांडक्यांचा उल्लेख असल्याने ही हत्यारे घटनास्थळी कशी आली, घटनेपूर्वी संबंधित व्यक्तींच्या हालचाली काय होत्या आणि हल्ल्याचा नेमका घटनाक्रम काय होता, हे तपासाचे महत्त्वाचे मुद्दे ठरणार आहेत. घटनास्थळ व परिसरातील सीसीटीव्ही फुटेज तसेच उपलब्ध इतर पुराव्यांच्या आधारे या बाबींची पडताळणी होणे अपेक्षित आहे.

पोलीस ठाण्याच्या परिसराशी संबंधित पार्श्वभूमीत झालेल्या या संघर्षात दोन जणांचा मृत्यू झाल्याने शहरातील कायदा-सुव्यवस्थेचा प्रश्न ऐरणीवर आला आहे. दोन्ही FIR मधील आरोप, मृत्यूची परिस्थिती, हल्ल्यात सहभागी व्यक्ती, हत्यारांचा वापर आणि घटनेपूर्वीची पार्श्वभूमी याबाबत पोलिस तपासातून वस्तुस्थिती स्पष्ट होणार आहे. सध्या दोन्ही प्रकरणांतील आरोप हे संबंधित फिर्यादींच्या तक्रारीवर आधारित असून त्यांची सत्यता तपासातून निश्चित होणे बाकी आहे.

घटनेनंतर देऊळगाव राजा शहरात तणावपूर्ण वातावरण निर्माण झाले असून पोलिसांकडून परिस्थितीवर नियंत्रण ठेवण्यासाठी बंदोबस्त ठेवण्यात आला आहे. दोन्ही प्रकरणांचा तपास सुरू आहे.