दीपप्रज्वलन, गुणवंतांचा सन्मान व सांस्कृतिक रंगत; जे. ई. स्कूलचा प्रजासत्ताक दिन सोहळा

प्रजासत्ताक दिनाचे औचित्य साधत जे. ई. स्कूल व ज्युनिअर कॉलेजमध्ये सांस्कृतिक पर्वमुक्ताईनगर |प्रजासत्ताक दिनाचे औचित्य साधत येथील जे. ई. स्कूल व ज्युनियर कॉलेज, मुक्ताईनगर येथे भव्य आणि उत्साहपूर्ण सांस्कृतिक कार्यक्रमाचे आयोजन करण्यात आले होते. या कार्यक्रमाचे उद्घाटन तसेच दीपप्रज्वलन संस्थेच्या चेअरमन मा. अ‍ॅड. रोहिणीताई खडसे व डॉ. सी. एस. चौधरी यांच्या शुभहस्ते संपन्न झाले.कार्यक्रमाच्या प्रसंगी शैक्षणिक क्षेत्रात उल्लेखनीय कामगिरी करणाऱ्या मागील वर्षीच्या दहावी व बारावीच्या गुणवंत विद्यार्थ्यांचा ट्रॉफी व प्रशस्तीपत्र देऊन गौरव करण्यात आला. विद्यार्थ्यांच्या यशाचा सन्मान करताना मान्यवरांनी त्यांना पुढील वाटचालीसाठी शुभेच्छा दिल्या.याचबरोबर शैक्षणिक, सामाजिक व सांस्कृतिक उपक्रमांची वेळोवेळी सकारात्मक प्रसिद्धी करणाऱ्या पत्रकार बांधवांचा देखील सन्मान करण्यात आला. शिक्षण क्षेत्र आणि माध्यम यांच्यातील समन्वयाचे महत्त्व यावेळी अधोरेखित करण्यात आले.विद्यार्थ्यांच्या सुप्त कलागुणांना वाव मिळावा या उद्देशाने विविध सांस्कृतिक कार्यक्रमांचे आयोजन करण्यात आले होते. देशभक्तीपर गीत, नृत्य, नाट्यछटा व समूह सादरीकरणांनी उपस्थितांची मने जिंकली. विद्यार्थ्यांचा आत्मविश्वास, शिस्त आणि सर्जनशीलता यांचे दर्शन या कार्यक्रमातून घडले.हा कार्यक्रम केवळ प्रजासत्ताक दिनाचा उत्सव न राहता, विद्यार्थी विकास, गुणवत्ता सन्मान व सांस्कृतिक जडणघडण यांचा संगम ठरला. उपस्थित पालक, शिक्षक व नागरिकांनी कार्यक्रमाचे कौतुक करत आयोजकांचे अभिनंदन केले.