जागतिक पर्यावरण दिनानिमित्त वृक्षारोपण व पर्यावरण संवर्धनाचा संदेश….!

स्टार भारत लाईव्ह एक्सप्रेस

प्रतिनिधी:- मुकिंदा गव्हांदे जळगाव जामोद

संग्रामपूर:- ५ जून २०२६
पर्यावरणाचे वाढते प्रदूषण, हवामानातील बदल आणि नैसर्गिक संसाधनांची होत असलेली हानी याबाबत जनजागृती निर्माण करण्याच्या उद्देशाने जगभरात ५ जून रोजी (World Environment Day) जागतिक पर्यावरण दिन साजरा केला जातो. यानिमित्त संग्रामपूर तालुक्यासह विविध भागांत वृक्षारोपण, स्वच्छता अभियान, आणि विविध उपक्रमांचे आयोजन करण्यात आले.
पर्यावरणाचे संतुलन राखण्यासाठी वृक्षसंवर्धन आणि नैसर्गिक साधनसंपत्तीचे जतन करणे ही काळाची गरज असल्याचे मत पर्यावरणप्रेमींनी व्यक्त केले. वृक्षतोड, प्लास्टिकचा वाढता वापर, औद्योगिक प्रदूषण आणि अनियंत्रित शहरीकरण यामुळे पर्यावरणास गंभीर धोका निर्माण होत असून त्याचे परिणाम हवामान बदल, अनियमित पाऊस, दुष्काळ आणि वाढत्या तापमानाच्या स्वरूपात दिसून येत आहेत. त्यामुळे प्रत्येक नागरिकाने पर्यावरण संरक्षणाची जबाबदारी स्वीकारून त्यासाठी सक्रिय सहभाग नोंदविण्याची आवश्यकता आहे. यावेळी विद्यार्थ्यांना पर्यावरण संवर्धनाचे महत्त्व पटवून देण्यात आले. तसेच “एक व्यक्ती – एक झाड” हा संकल्प करून लावलेल्या झाडांचे संगोपन करण्याचे आवाहन करण्यात आले. पर्यावरण रक्षणासाठी केवळ वृक्षारोपण नव्हे तर जलसंवर्धन, ऊर्जा बचत, प्लास्टिकमुक्त जीवनशैली आणि स्वच्छता यावर भर देण्याची गरज असल्याचे मान्यवरांनी सांगितले. जागतिक पर्यावरण दिन हा केवळ एक दिवसाचा उत्सव नसून पर्यावरणाबाबत जागरूकता निर्माण करून शाश्वत विकासाचा मार्ग स्वीकारण्याची प्रेरणा देणारा दिवस आहे. पर्यावरणाचे रक्षण ही प्रत्येक नागरिकाची सामूहिक जबाबदारी असून भविष्यातील पिढ्यांना स्वच्छ, हिरवेगार आणि निरोगी वातावरण मिळावे यासाठी सर्वांनी पुढाकार घेणे आवश्यक असल्याचा संदेश या निमित्ताने देण्यात आला.पर्यावरण संवर्धन ही काळाची गरज असून प्रत्येक नागरिकाने किमान एक झाड लावून त्याचे संगोपन करण्याचा संकल्प करावा, असे आवाहन यावेळी करण्यात आले. “एक झाड लावा, पर्यावरण वाचवा”चा संदेश नागरिकांपर्यंत पोहोचविण्याचा प्रयत्न “पर्यावरण वाचवा, भविष्य घडवा”……