अण्णा भाऊ साठे यांच्यावर डाव्या पक्षाने अन्याय केला : जयसिंग वाघ
जळगाव :- अण्णा भाऊ साठे यांच्या सार्वजनिक जीवनाची सुरवात कम्युनिस्ट पार्टीतुन झाली , पक्ष वाढत राहावा म्हणून त्यांनी आपले सम्पूर्ण जीवन व्यतीत केले ,पक्षा करीता मोठ्या प्रमाणात पैसा उभा केला , देशभरात दौरे केले , पण कम्युनिस्ट पक्षाने त्यांना कोणतेही मानाचे पद वा स्थान दिले नाही .असे परखड़ मत प्रसिद्ध साहित्तिक तथा विचारवंत जयसिंग वाघ यांनी व्यक्त केले . लोकशाहीर अण्णा भाऊ साठे यांच्या स्मृतिदिनानिमित्त जळगाव येथील अण्णा भाऊ साठे यांच्या पुतळ्याजवळ आयोजीत कार्यक्रमात वाघ बोलत होते . जयसिंग वाघ यांनी पुढं आपल्या भाषणात सांगितले की , या देशात मागास समाजाची नेहमीच कुचेष्टा करण्यात आली आहे . त्यांच्या कार्याला , विद्वत्तेला , व्यक्तिमतवाला डावलन्यात आले व त्यांच्यावर अन्याय , अत्त्याचार करण्यात आले . या व्यावस्थेच्या विरोधात १८ व्या शतकात महात्मा फुले यांनी बंड केले , त्या बंडाची धुरा अण्णा भाऊ यांनी कार्ल मार्क्स यांच्या विचारांनी प्रेरीत होवून आपल्या खांद्यावर घेतली खरी पण ते मागस समाजाच्या उन्नति करीता न लढता सर्व जाती धर्माच्या कामगारां करीता लढले , कामगार नेते म्हणून त्यांना ओळख मिळाली पण पुढं कामगारांनी , पक्षाने त्यांना वाळीत टाकले व त्यांचे पूर्ण जीवन , कार्य , चळवळ व सारेकाही उध्वस्त झाले . हा इतिहास सर्वच मागास समाजीतिल कार्यकर्त्यांनी लक्षात ढेवावा . कार्यक्रमाच्या सुरवातीस अण्णा भाऊ साठे यांच्या पुतळ्यास राष्ट्रीय लहूशक्ती चे विभागीय अध्यक्ष रमेश कांबळे यांच्या हस्ते माल्यार्पण करण्यात आले , सामाजिक कार्यकर्ते नामदेव मोरे यांनी दीपप्रज्वलन केले . राजेश कांबळे यांनी आपल्या भाषणात सांगितले की , अण्णा भाऊ साठे यांच्या पुतळ्याच्या सुशोभीकरण करीता दहा लाख रुपये स्थानिक आमदार निधी मधून मंजूर झाली असून लवकरच ते काम पूर्ण केले जाईल . नामदेव मोरे यांनी प्रास्ताविक केले व अण्णा भाऊ साठे यांचे कार्य कीती महान आहे या बद्दलची उदाहरणे दिली . आभार प्रदर्शन मुकेश अंभोरे यांनी केले . या प्रसंगी अण्णा भाऊ साठे नेरी नाका गृप तर्फे रक्तदान शिबीर घेण्यात आले , डॉ. प्रमोद पाटील , डॉ. पंकज गायकवाड़ , डॉ. दीपक पाटील , सोनाली अहिरराव , वृषाली पाटील यांनी रक्त संकलन करुन प्रमाणपत्र प्रदान केले . या प्रसंगी सतीश गायकवाड , आनंद पाचोंदे , राज बोदोड़े , विक्की शेलार , मनोज सपकाळे , गणेश गायकवाड , मुन्ना पाचोंदे , राकेश पातोंडे , किसन बिरहाडे , सागर आंभोरे , जीतू गायकवाड़ आदि उपस्थित होते .
