स्टार भारत लाईव्ह एक्सप्रेस शेगाव प्रतिनिधी श्याम पहुरकर शेगांव :- शेगाव येथे संत गजाजन महाराज यांच्या दर्शनासाठी जाणान्या भाविकांची सोय व्हावी म्हणून अकोला स्थानकावरून जाणान्या नागपूर-पुणे एक्स्प्रेससह तीन एक्स्प्रेस गाड्यांना प्रायोगिक तत्वावर सहा महिने थांबा देण्यात आला आहे. प्रवाशांच्या प्रतिसादानुसार हा थांबा कायमस्वरुपी केल्या जाऊ शकतो. मध्य रेल्वेच्या भुसावळ विभाग कार्यालयातील सुत्रांकडून प्राप्त माहितीनुसार, नागपूर-पुणे-नागपूर एक्स्प्रेस (22141 /22142) 31 मार्चपासून पुढील सहा महिने शेगाव स्थानकावर थांबणार आहे. याशिवाय गाडी क्रमांक 12422 अमृतसर-नांदेड एक्सप्रेसला 28 मार्चपासून, तर12421 नांदेड-अमृतसरएकस्प्रेसला 29 मार्चपासून शेगाव स्थानकावर थांबा असणार आहे. गाडी क्र. 12752 जम्मुतावी- नांदेड हमसफर एक्स्प्रेस 27 मार्चपासून, तर गाडी क्र. 12751 नांदेड जम्मतावी हमसफर एक्सप्रेस 31 मार्चपासून शेगाव स्थानकावर थांबणार आहे.महाराष्ट्र एक्स्प्रेस जलंबला थांबणारगोंदिया ते कोल्हापूर दरम्यान धावणारी गाडी क्र. 11039 व 11040 महाराष्ट्र एक्स्प्रेस 27 व 28 मार्चपासून बुलढाणा जिल्ह्यातील जलंब स्थानकावर थांबणार आहे.
